Hramadstva4444

Hanna Trubačova i Alaksandr Tarantino Ždanovič źjechali ŭ San-Francyska: «Inicyjatyŭnyja i dumajučyja biełarusy — heta hieroi»

Z Hannaj Trubačovaj «NN» rabiła intervju paru hadoŭ tamu. Tady jana raskazvała pra ideju stvareńnia ŭ Biełarusi pieršaha niezaležnaha adukacyjnaha prajekta dla dziaciej i školnikaŭ pa indyvidualnym płanie pad nazvaj «Taranciny i syny». Z prajektam nie skłałasia. I ŭžo niekalki miesiacaŭ Hanna razam z mužam Alaksandram Tarantino Ždanovičam i dvuma synami žyvuć u San-Francyska. Pra toje, čamu tak atrymałasia, pra horad i novyja kroki za miažoj Hanna padzialiłasia z nami ŭ hutarcy.

«Da sprob zrabić u Biełarusi alternatyŭnuju škołu ja nie viarnusia»

Ja ŭpeŭniena, što z kožnym hodam novych adukacyjnych prajektaŭ u Biełarusi budzie ŭsio bolš. Što tyčycca mianie, ja da hetaha nie viarnusia, bo navat zaraz adčuvaju, što poŭnaściu nie adnaviłasia ad vyharańnia: na praciahu amal dvuch hadoŭ ja napisała stolki listoŭ sa źmiestam «Dobry dzień, my rady vam prapanavać», što moj unutrany śviet, jakomu ŭ pryncypie nie padabajecca administracyjnaja praca, da hetaha času adčuvaje ŭvieś śpiektr niehatyŭnych emocyj (ad isteryki da depresii) pry sprobach sieści i napisać dziełavoje piśmo.

«Dapamahajuć rodnyja ludzi»

Pa-sapraŭdnamu składanym było b apynucca biez realnaj dapamohi ludziej: my pryjechali ŭ ZŠA, majučy krychu mienš za dźvie tysiačy dalaraŭ u kišeni. Heta śmiešnyja hrošy dla pačatku žyćcia ŭ druhim pa darahoŭli horadzie ZŠA. Dziakujučy siabram i svajakam, my trymajemsia i drobnymi krokami realizujem vialikija mary. Moj muž naładžvaje svaju spravu na rynku prafiesijnaj fatahrafii. Ja siadžu nad pieršym ramanam i źbirajusia pasprabavać siabie ŭ roli madeli: u mianie, narešcie, źjaviŭsia ahient i asabisty sajt z madelnym partfolia heta nie stolki dziela zarobkaŭ, kolki jak adzin z etapaŭ psichałahičnaj pracy. Nieŭzabavie našy dzieci pojduć u pačatkovuju škołu.

«San-Francyska — samy pryhožy i atmaśfierny horad ZŠA»

— Ja žyła ŭ roznych štatach, bačyła vialikuju častku Amieryki i mahu skazać heta dakładna. Ńju-Jork dla mianie asablivy (ja kažu pra Manchetan), vielmi jaho lublu, ale dla siamji ź dziećmi i vielmi abmiežavanymi finansavymi mahčymaściami ŭ jaho zanadta pražerlivaja enierhija. San-Francyska čymści padobny na Ńju-Jork (ale bolš łajtovy), haradskoj prastoraj na Paryž, atmaśfieraj na Novy Arlean, heta ŭnikalny horad.

«Biełarusam treba pavučycca ŭ amierykancaŭ talerantnaści»

Biełaruskim haradam šmat jašče kudy treba raści. Talerantnaść pieršaje, što prychodzić u hałavu. Nie niejkaja mifičnaja, jakaja prypisvajecca biełarusam, a sapraŭdnaja pamiarkoŭnaść, uśviedamleńnie i pryniaćcie adzinaha hramadstva, u jakim žyvuć nie tolki biełyja naturały siaredniaha zarobku, ale i hiei, bamžy, narkamany, imihranty z usiaho śvieta, fryki i invalidy, žabraki i varjaty. Biaśpiečnyja dziciačyja placoŭki, sacyjalnaja dapamoha tym, chto apynuŭsia ŭ niastačy, žyvioły z prytułkaŭ, jakija momantam znachodziać novyja siemji, vietlivyja razmovy nieznajomcaŭ, hramadzianskaja adkaznaść, raznastajnaść praduktaŭ dla zdarovaha charčavańnia, jarkija vulicy… Heta ŭsio nie prosta infrastruktura, heta — kultura hramadstva.

Ja skažu banalnaść i zaŭsiody kazała pra heta: pačynać źmieny treba ź siabie samoha, sa svajho padjezda, dvara. Kali kožny nie zahavoryć, dziaržava, jakaja žyvie ŭ svaim śviecie, nikoli nie daviedajecca pra toje, što jość hramadzianie i, mahčyma, ich niešta nie zadavalniaje.

Heta savieckaja spadčyna: siadzieć i čakać, što tabie zrobiać dobra i kamfortna. Ja rada, što ŭ Biełarusi siońnia šmat inicyjatyŭnych i adkaznych ludziej. U tym liku ja pra tych, chto siońnia vychodzić i pratestuje. Hetyja ludzi — hieroi.

«Pišu aŭtabijahrafičnuju knihu, dzie budzie raspaviadacca i pra Biełaruś»

Zaraz ja pracuju nad knižkaj. Z bolšaha jana aŭtabijahrafičnaja, ale tam budzie vielmi šmat typovaha dla ludziej majho pakaleńnia. Kniha pra pierazahruzku śviadomaści, ab Amierycy, pra Biełaruś, pra pryhažość žyćcia ŭ jaho składanych vyprabavańniach, pra toje, ab čym ludzi nie pišuć u fejsbuk. Knihu ŭžo pačali pierakładać na anhlijskuju, ale kali ja skonču jaje, nieviadoma, tamu što pisać u lepšym vypadku atrymoŭvajecca niekalki hadzin u dzień. Być maci pakul dla mianie asnoŭnaja prafiesija.

«Nie viercie tamu, što bačycie ŭ sacsietkach»

Ja b paraiła ŭsim žančynam mienš hladzieć pa bakach: vy nikoli nie viedajecie, što na samoj spravie adbyvajecca ŭ siemjach, jakija pryhožyja napakaz (dumaju, sapraŭdy ščaślivyja sajuzy nie majuć patreby ŭ raskazach pra siabie), vy nie možacie ŭjavić sabie, što adbyvajecca ŭnutry instahramnaj krasuni. Čaściakom tam usio nie tak dobra, jak zdajecca.

Ja nie vieru ŭ toje, što byvajuć standartna pryhožyja žančyny i niejkija standartna dobryja mamy adnačasova. Ja starajusia čaściej abdymać i słuchać svaich dziaciej. U mianie, dziakuj bohu, jość mahčymaść pravodzić niekalki hadzin u dzień sam-nasam z saboj. U našaj siamji kuča prablem, u mianie nieŭrozy i kompleksy, ja nie liču siabie pryhožaj (nad čym pracuju, viadoma ž, tamu što ŭ što b tam ni stała treba znajści siabie pryhožaj). Nie viercie tamu, što bačycie ŭ sacsietkach heta ŭsio ŭstanoŭki: ludzi publikujuć toje, što chočuć pakazać sabie abo inšym. Ale lepš čaściej śmiajacca ad dušy, čym być idealnaj i strojnaj.

Kamientary44

«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy2

«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy

Usie naviny →
Usie naviny

Pastaŭki rasijskaha hazu ŭ Prydniastroŭje adnoviacca ŭ chutkim časie. U jakaści humanitarnaj dapamohi4

U Minpracy nazvali top-7 źmienaŭ u balničnym, jakija dziejničajuć z pačatku hoda

Hvałt i prymus da BDSM. Niła Hiejmana abvinavacili ŭ seksualnych złačynstvach3

U Rasii vykazali mierkavańnie, čamu rehularna harać biełaruskija aŭtobusy3

«Kamuści tut treba dać try aplavuchi». Fica vykazaŭsia pra padletka, jaki nie pacisnuŭ ruku prezidentu Słavakii16

Aryna Sabalenka abviaściła pra chutkaje zaviaršeńnie karjery i stvareńnie siamji22

CVK pałochaje štrafam za fatahrafavańnie vybarčaha biuletenia6

Mabilnym apierataram zabaranili ciškom padklučać płatnyja pasłuhi1

Machlary ad imia mytni «pradajuć» praz Instagram kanfiskat1

bolš čytanych navin
bolš łajkanych navin

«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy2

«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy

Hałoŭnaje
Usie naviny →