Były deputat Dziarždumy Rasii Dzianis Varanienkaŭ u intervju ŭkrainskamu vydańniu «Cienzor.Niet» paraŭnaŭ Rasiju z nacysckaj Niamieččynaj, nazvaŭ hrubaj pamyłkaj dałučeńnie Kryma i zajaviŭ pra tatalnuju falsifikacyju vynikaŭ vybaraŭ u RF, paviedamlaje Meduza.
«Situacyja ŭ Rasii ciapier, jak u nacysckaj Niamieččynie Hitlera <…> Cełaja dziaržava zvarjacieła mienavita ŭ psieŭdapatryjatyčnym čadzie», — zajaviŭ Varanienkaŭ.
Pa słovach byłoha deputata, «Krym staŭ takoj łakmusavaj papierkaj — jon abjadnaŭ Rasiju vakoł idei niešta ******** (skraści) u svajho susieda».
Pry hetym Varanienkaŭ śćviardžaje, što nie hałasavaŭ u Dziarždumie za dałučeńnie Kryma da Rasii. Jon zajaviŭ, što za jaho heta zrabili inšyja siabry frakcyi KPRF. «Kartkaj jany prahałasavali zamiest mianie, choć davieranaści na hałasavańnie ja nie davaŭ», — skazaŭ były deputat.
U intervju Varanienkaŭ taksama zajaviŭ, što ŭ Rasii falsifikujuć vyniki ŭsich vybaraŭ ad municypalnych da fiederalnych, a FSB uzurpavała paŭnamoctvy ŭsich siłavych viedamstvaŭ u krainie.
Varanienkaŭ paćvierdziŭ, što daŭ pakazańni ŭkrainskaj prakuratury pa spravie Viktara Janukoviča, jakoha va Ukrainie abvinavačvajuć u dziaržaŭnaj zdradzie. Pa słovach byłoha deputata, Janukovič «zdradziŭ svajoj krainie, datyčny da masavych zabojstvaŭ ludziej, źbieh u inšuju krainu i zaklikaŭ vojski inšaj dziaržavy źniščać svoj narod».
Varanienkaŭ źjechaŭ z Rasii ŭ kastryčniku 2016 hoda. U śniežni jon atrymaŭ hramadzianstva Ukrainy.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień12
Kamientary