Pierśpiektyvy dalejšaha raźvićcia supracoŭnictva ŭ halinie pravaachoŭnaj dziejnaści abmierkavali 7 lutaha ministr unutranych spraŭ Ihar Šunievič i pavierany ŭ spravach ZŠA ŭ Biełarusi Robiert Rajli.

Jak paviedamlaje MUS, kiraŭnik milicejskaha viedamstva adznačyŭ, što Biełaruś vystupaje za ŭmacavańnie dvuchbakovaha ŭzajemadziejańnia z pravaachoŭnymi orhanami ZŠA pa ŭsich pytańniach, što ŭjaŭlajuć uzajemnuju cikavaść. U pryvatnaści, havorka idzie pra supraćdziejańnie teraryzmu, ekstremizmu, lehalizacyi dachodaŭ, atrymanych złačynnym šlacham, niezakonnaj mihracyi, karupcyi.

Na dumku ŭdzielnikaŭ sustrečy, asablivaj uvahi ŭ sučasnych umovach patrabuje intensifikacyja biełaruska-amierykanskaha supracoŭnictva pa baraćbie sa złačynstvami ŭ śfiery infarmacyjnych technałohij, a taksama zabieśpiačeńni abarony pravoŭ intelektualnaj ułasnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?