Upieršyniu z Druhoj suśvietnaj vajny kala 300 amierykanskich marskich piechacincaŭ vysadzilisia ŭ Narviehii. Rasija vielmi niezadavolenaja, paviedamlaje Reuters.

Reuters

Vysadka amierykanskich sałdat u Narviehii supadaje pa časie z adpraŭkaj niekalkich tysiač vajskoŭcaŭ ZŠA ŭ Polšču, adnak narviežskija čynoŭniki adprečvajuć jakuju-niebudź suviaź hetaj padziei z prablemami NATA i Rasii.

Vajskoŭcy z ZŠA buduć znachodzicca ŭ Narviehii na praciahu hoda. Pa słovach pradstaŭnika narviežskaj armii Runa Charsteda, marskaja piachota budzie vučycca vieści bajavyja dziejańni va ŭmovach zimy na vajennaj bazie pablizu horada Tranchiejm za 1500 km ad miažy z Rasijaj.

U pasolstvie Rasii ŭ Osła nie razumiejuć, dla čaho amierykanskija vojski prybyli ŭ Narviehiju. «Prymajučy pad uvahu šmatlikija zajavy narviežskich čynoŭnikaŭ ab adsutnaści pahrozy z boku Rasii dla Narviehii, my chacieli b zrazumieć, dla jakich metaŭ jany tak chočuć pavialičyć svoj vajenny patencyjał, u pryvatnaści, šlacham dysłakacyi amierykanskich vojskaŭ», - kažuć u viedamstvie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?