Śviet1414

Prezident Sierbii zajaviŭ pra hatoŭnaść uvieści vojska ŭ Kosava

Fota: EPA.

Prezident Sierbii Tamisłaŭ Nikalič zajaviŭ, što hatovy pry nieabchodnaści adpravić vojska ŭ Kosava dla abarony etničnych sierbaŭ kraju, paviedamlaje karespandent Bi-bi-si ź Biełhrada.

Jon zajaviŭ pra heta praz sutki paśla taho, jak pravaliłasia sproba adpravić ź Biełhrada na poŭnač Kosava ciahnik «Žieleźnicie Srbiјie» z nadpisam «Kosava jość Sierbijaj».

Rasparadžeńnie spynić ciahnik u sierbskim pasiołku Raška addaŭ premjer-ministr Sierbii Alaksandr Vučyč. Jon skazaŭ, što pajšoŭ na taki krok, kab «zachavać žyćcio i svabodu ludziej i praduchilić jašče bolšy kanflikt i pakazać, što my chočam miru».

Vučyč abvinavaciŭ kosaŭskich siłavikoŭ u sprobie zaminiravać čyhunačnaje pałatno na šlachu ciahnika. Taksama premjer Sierbii zajaviŭ, što ŭłady Kosava mieli namier aryštavać mašynista i pasažyraŭ ciahnika, choć, jak jon skazaŭ, havorka idzie «pra ciahnik, a nie pra tank».

Palicyja Kosava asprečyła hetyja abvinavačvańni, padkreśliŭšy, što pravieryła čyhunku i nie znajšła tam vybuchoŭki.

Niahledziačy na zajavu prezidenta, kanflikt pamiž Sierbijaj i Kosava małaimavierny.

Sierbija ŭžo dasiahnuła značnaha prahresu ŭ pieramovach ab mahčymym ustupleńni ŭ skład Jeŭrapiejskaha Sajuza.

Narmalizacyja adnosin z Kosavam — važnaja častka hetaha pracesu.

Adnak Białhrad choča pryciahnuć uvahu mižnarodnaj supolnaści da taho, što Pryšcina nie vykonvaje całkam užo dasiahnutyja damoŭlenaści, u tym liku i pa pytańni svabody pieramiaščeńnia.

Čyhunačnyja znosiny pamiž sierbskaj stalicaj i aŭtanomijaj, jakaja adkałołasia, byli pierapynienyja padčas kosaŭskaha kanfliktu 1998—1999 hh.

Z momantu bambiožki NATA ŭ 1999 hodzie da adnabakovaha abviaščeńnia niezaležnaści Kosava ŭ 2008 hodzie terytoryja byłoj juhasłaŭskaj aŭtanomii znachodziłasia pad kiravańniem AAN.

Da pačatku 2017 hoda 110 krain-členaŭ AAN, u tym liku Vialikabrytanija, ZŠA i Hiermanija, pryznali niezaležnaść Kosava. Siarod krain, jakija nie pryznali niezaležnaść Kosava — Sierbija, Rasija, Kitaj, Biełaruś i inš.

Kamientary14

Vyjšaŭ na volu staršynia AHP Mikałaj Kazłoŭ1

Hramadstvaabnoŭlena1

Vyjšaŭ na volu staršynia AHP Mikałaj Kazłoŭ

Usie naviny →
Usie naviny

Borys Džonsan: Tramp moža vyratavać Ukrainu8

Minski zaapark zaklikaŭ biełarusaŭ padzialicca z žyviołami liškami ŭradžaju

Biełaruś ci Polšča: chto važniejšy handlovy partnior dla Kitaja?8

«Maja daŭniaja mara — žyć u Ispanii — akazałasia rasčaravańniem». Saliharčanka try hady pažyła ŭ Alikante i viarnułasia ŭ Biełaruś54

Pudynh, pica i roł — niebanalnyja stravy z bulby

U Dudutkach prachodzić mižnarodny fiestyval «Naš Hrunvald» ŠMAT FOTA11

Kašteli, ranety, piepinki: usio pra staryja biełaruskija sady i sarty. I dzie ich kupić4

Niekatorym žurnalistam ź Biełarusi zabaranili aśviatlać Alimpijadu3

Jakoha nadvorja čakać biełarusam na nastupnym tydni

bolš čytanych navin
bolš łajkanych navin

Vyjšaŭ na volu staršynia AHP Mikałaj Kazłoŭ1

Hramadstvaabnoŭlena1

Vyjšaŭ na volu staršynia AHP Mikałaj Kazłoŭ

Hałoŭnaje
Usie naviny →