Hramadstva103103

«My vypili 5-6 butelek harełki na vaśmiarych. Andrej byŭ samy ćviarozy»

Andrej H. z žonkaj, fota z sacsietak

U navahodniuju noč u Minsku adbyŭsia incydent sa stralaninaj: u vyniku kanfliktu milicyjant ciažka paraniŭ žychara stalicy. Pavodle viersii milicyi, minčanin Andrej H. nieadekvatna adreahavaŭ na prośbu źnizić hučnaść muzyki i nakinuŭsia na pravaachoŭnika, sprabujučy adabrać pistalet. U vyniku Andrej H. atrymaŭ dva kulavyja ranieńni i ciapier znachodzicca ŭ reanimacyi pad achovaj, jaho stan stabilna ciažki. Paviedamlajecca, što milicyjant u vyniku sutyčki atrymaŭ traŭmu hałavy i taksama znachodzicca na lačeńni. Jeŭraradyjo źviazałasia ź blizkimi siabrami Andreja. Jany śćviardžajuć, što šakavanyja hetym zdareńniem.

«My ŭsie ŭ šoku. Andreja z 2004 hoda viedaju. Jaho vyvieści ź siabie było nierealna. Jon zaŭsiody spakojny byŭ, zaŭsiody. Nakolki ja viedaju, u jaho nie było nivodnaha pryvodu ŭ milicyju. Jon nijakimi adzinaborstvami nie zajmaŭsia. Tolki ŭ basiejn chadziŭ, tamu što ŭ jaho chvoraja naha i daktary parekamiendavali. Kali Andreju pryjšła paviestka na miedkamisiju ad vajenkamata, jaho nakiravali na lačeńnie, nie ŭziali ŭ armiju praz chvoruju nahu… My z Andrejem u technikumie razam vučylisia, paśla va ŭniviersitecie. Ja jaho vielmi daŭno viedaju», — raskazvaje Alaksandr M.

Jašče adzin siabra, Dzianis H., pryjšoŭ u hości da Andreja ŭviečary 31 śniežnia, jon pahadziŭsia raskazać, što adbyvałasia ŭ tuju noč, kolki ałkaholu vypiła ich kampanija i jakoj była reakcyja kaleh milicyjanta, jaki stralaŭ u Andreja.

— U toj viečar vy razam sustrakali Novy hod?

— Tak, my byli razam.

— Možacie raskazać, jak usio adbyvałasia? U kolki vy sustrelisia?

— Da Andreja my pryjšli ŭ 10 hadzin viečara. Ja sa svajoj dziaŭčynaj pryjšoŭ. Sieli adznačać Novy hod. Sami razumiejecie. Vypivali, zakusvali. Kala troch hadzin pajšli na jołku. U Malinaŭcy. Prykładna praz paŭtary hadziny viarnulisia nazad i znoŭ sieli za stoł.

— Susiedzi skardzilisia na vas?

— Jak tolki sieli, niechta pazvaniŭ u dźviery. Andrej vyjšaŭ pahavaryć, potym viarnuŭsia i skazaŭ, što treba zrabić cišej, bo my zaminajem. Muzyka hučała z televizara praz kałonki. My adklučyli kałonki, pakinuli tolki huk na televizary. Kala 25 punktaŭ uzrovień hučnaści byŭ, mahčyma, 20.

— Što było dalej?

— Prykładna praz paŭhadziny ja vyjšaŭ pakuryć na bałkon. Zazvaniŭ damafon. Potym tyja, chto byŭ u pakoi, pačuli dva pleskačy. Ja vyjšaŭ i ŭbačyŭ ludziej u tambury. Andrej lažaŭ uvieś u kryvi. A milicyjanier stajaŭ ź jašče nie apuščanym pistaletam. Pieršymi da Andreja vyjšli dziaŭčaty. Kali vyjšaŭ ja, praz chvilinu, to zabiehli jašče milicyjaniery. Jany apuścili pistalet pieršaha i zabrali jaho.

— Što havaryli hetyja milicyjanty vam? Što jany rabili?

— Adzin padyšoŭ da mianie i skazaŭ, kab ja nie narabiŭ nijakich hłupstvaŭ. Skazaŭ, što hetaha milicyjanta i tak pasadziać. U mianie i nie było dumak pomścić. Ja sam byŭ u šoku. Stajaŭ i nie moh kranucca. Milicyjant, jaki stralaŭ, syšoŭ. I my zastalisia tolki z novym milicyjantam. My ničoha nie rabili. Žonka Andreja stajała na kaleniach la muža, dziaŭčaty prynosili ručniki. Chutkuju my vyklikali. Milicyjant havaryŭ, što chutkaja ŭžo jedzie.

— Pa viersii milicyi, vaš siabra Andrej mocna źbiŭ supracoŭnika. Toj atrymaŭ udar nahoj, udaryŭsia hałavoj ab ścienku. Jak jon vyhladaŭ? Byli ślady pabojaŭ?

— Viedajecie, ja ciapier, napeŭna, navat nie paznaju jaho ŭ tvar. Ale pamiataju, što forma była na im akuratnaj. Nijakich paškodžańniaŭ nie było.

— Ci možacie vy skazać, kolki vaša kampanija vypiła ałkaholu ŭ toj viečar?

— Pa-mojmu, my nie vypili navat pałovy taho, što mieli. 5-6 paŭlitrovych butelek harełki vypili na vosiem čałaviek. I pili z 10 viečara, a ŭsio heta adbyvałasia a pałovie siomaj. My nie pjanicy. Razumiejecie, mianie adrazu zabrali ŭ RUUS, i ja im tam dakładna ŭsio patłumačyŭ, daŭ pakazańni. A Andrej jašče bolšy za mianie. Ja kiłahramaŭ 80 važu, jon jašče bolš. Pili my tolki harełku. Pa bakale šampanskaha ŭ 12, a potym tolki harełku.

— Vam u pastarunku test na ałkahol rabili?

— Tak. Ale prykładna ŭ 14 hadzin dnia. U mianie było kala 0,7 pramile.

— Andrej byŭ u takim ža stanie jak vy?

— Jon byŭ ćvieraziejšym. Jak haspadar jon čas ad času prapuskaŭ kiliški, dapamahaŭ na kuchni. A pieršaha źbiraŭsia ŭ hości da baćkoŭ žonki i da svaich. Jon byŭ ćvieraziejšym za nas. Dy i nichto mocna pjanym nie byŭ.

— Vy nie viedajecie, chto moh vyklikać milicyju?

— Nie. Susiedka pa tambury potym raskazała, što ŭ 5 hadzin pračynałasia pakarmić dzicia i joj naša muzyka nie zaminała. Andrej — absalutna spakojny čałaviek. Vy možacie ŭsich adnakurśnikaŭ našych raspytać, vam usie heta paćvierdziać.

Kamientary103

Bajden vychodzić z prezidenckaj honki43

Bajden vychodzić z prezidenckaj honki

Usie naviny →
Usie naviny

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi

USU nanieśli ŭdar pa vajskovym aeradromie ŭ Rastoŭskaj vobłaści2

Niemiec, prysudžany da rasstrełu, datyčny da dyviersij? Voś što za historyja heta mahła być9

bolš čytanych navin
bolš łajkanych navin

Bajden vychodzić z prezidenckaj honki43

Bajden vychodzić z prezidenckaj honki

Hałoŭnaje
Usie naviny →