Nieruchomaść22

U 2017 hodzie ŭ Biełarusi płanujecca pabudavać 3,5 młn kvadratnych mietraŭ žylla

U 2017 hodzie ŭ Biełarusi płanujecca pabudavać za 3,5 młn kvadratnych mietraŭ žylla. Heta praduhledžana pastanovaj urada № 1113 ad 29 śniežnia 2016 hoda «Ab mierach pa vykanańni zadańniaŭ na 2017 hod pa budaŭnictvie žyłych damoŭ, abjomach uvodu ŭ ekspłuatacyju i finansavańnia budaŭnictva žylla i abjektaŭ inžyniernaj i transpartnaj infrastruktury ŭ 2018 hodzie», jakaja apublikavanaja na sajcie Saŭmina.

Najbolšaja kolkaść kvadratnych mietraŭ za hod pavinna źjavicca ŭ Minskaj vobłaści (972 tys.), najmienšaja — u Mahiloŭskaj (280 tys.). U Minsku budzie pabudavana nie bolš za 644 tys. kvadratnych mietraŭ žylla.

Pavodle raźlikaŭ raspracoŭščykaŭ dakumienta, abjomy finansavańnia budaŭnictva składuć za hod 3,7 młrd rubloŭ: 160 młn buduć nakiravanyja z kansalidavanaha biudžetu, 245 młn — kredytnyja resursy bankaŭ, uklučajučy lhotnaje kredytavańnie, 2,86 młrd — ułasnyja srodki hramadzian, 439 młn — srodki arhanizacyj, uklučajučy pazyki, zamiežnyja krynicy. Takim čynam, va ŭradzie raźličvajuć, što hadavaja prahrama budaŭnictva žylla budzie bolš čym na 77% prafinansavanaja z ułasnych srodkaŭ nasielnictva.

Kredyty na budaŭnictva žylla na samastojna vyznačanych umovach buduć vydzialać piać bankaŭ: «Biełarusbank», «Biełahraprambank», «BPS-Aščadbank», «Pryjorbank» i «Bank BiełVEB». Ahulny abjom takoha kredytavańnia nie pieravysić 27 młn rubloŭ. Pry hetym pieršyja dva banki nasielnictva prakredytujuć jašče na 30 młn — pa staŭkach, pamienšanych na 50% staŭki refinansavańnia. Hetyja kredyty praduhledžanyja dla hramadzian, jakija stajać na ŭliku dla palapšeńnia žyllovych umoŭ, straty bankaŭ kampiensujucca z respublikanskaha biudžetu.

Płanujecca pabudavać 260 tys. kvadratnych mietraŭ žylla dla 4.329 šmatdzietnych siemjaŭ, miarkujecca, što na hetyja mety budzie vydzielena 128 miljonaŭ rubloŭ ilhotnych kredytaŭ, a kala 23 młn rubloŭ składuć ich ułasnyja srodki. Va ŭradzie taksama raźličvajuć za hod uźvieści 22,85 tys. kvadratnych mietraŭ sacyjalnaha žylla.

U biahučym hodzie ŭ haradach-spadarožnikach prapanujecca pabudavać 10,6 tys. kvadratnych mietraŭ žylla dla 155 hramadzian. Asvojvacca ŭ jakaści takich buduć tolki Žabinka Bresckaj vobłaści i Skidal Hrodzienskaj vobłaści. Zabudova haradoŭ-spadarožnikaŭ Minska nie praduhledžanaja.

Akramia taho, pastanovaj ustanoŭleny hraničny narmatyŭ koštu 1 kvadratnaha mietra ahulnaj płoščy žyłoha pamiaškańnia ŭ 660 rubloŭ; hraničny pakazčyk koštu 1 kvadratnaha mietra ahulnaj płoščy žyłoha doma (kvatery) u pamiery, jaki nie pieravyšaje 940 rubloŭ, dla vydačy lhotnaha kredytu «Biełahraprambankam» u adpaviednaści z ukazam prezidenta ad 2 vieraśnia 1996 hoda № 346 «Ab niekatorych mierach pa raźvićci žyllovaha budaŭnictva na vioscy»; hraničny narmatyŭ koštu 1 kvadratnaha mietra ahulnaj płoščy žyłoha pamiaškańnia ŭ 940 rubloŭ dla vydačy lhotnaha kredytu na budaŭnictva (rekanstrukcyju) adnakvaternych, błakiravanych žyłych damoŭ «Biełarusbankam» šmatdzietnym siemjam, jakija pastajanna pražyvajuć i pracujuć u sielskich nasielenych punktach.

Anałahičny ahulny abjom uvodu žylla pastanovaj zaćvierdžany i na 2018 hod.

Pra skaračeńnie ahulnaha hadavoha abjomu budaŭnictva žylla ŭ Ministerstvie architektury i budaŭnictva zajaŭlali jašče ŭletku 2016 hoda. Na pres-kanfierencyi 4 žniŭnia ministr architektury i budaŭnictva Anatol Čorny skazaŭ: «Na 500 tysiač pakul płanujecca mienš [pabudavać žylla]. <…> Usio zaležyć ad taho, jak skončycca naša płanavańnie biudžetu». Pavodle jaho słoŭ, na toj momant ličba 3,5 młn kvadratnych mietraŭ nie zadavalniała premjer-ministra Andreja Kabiakova.

U 2016 hodzie płanavałasia pabudavać 4 młn kvadratnych mietraŭ žylla. Pavodle źviestak Biełstata, u studzieni—listapadzie minułaha hoda ŭ ekspłuatacyju ŭviedziena 3 młn 829,4 tys. kvadratnych mietraŭ žylla, na 17,2% mienš u paraŭnańni z anałahičnym pieryjadam 2015 hoda.

Kamientary2

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel3

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask32

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →