Hramadstva2828

Tradycyjny navahodni zvarot Uładzimira Arłova VIDEA

Darahija siabry!

Napeŭna, nikoha nie treba pierakonvać, što razam ź ciełam i dušoj najvialikšaj kaštoŭnaściu dla čałavieka jość čas. Pryčym pierad navahodnimi śviatami ja zaŭsiody ździŭlajusia, što chviliny mohuć ciahnucca biaskonca doŭha, a hady pralatajuć nievierahodna imkliva.

Jak i kožny hod, 2016-ty byŭ hodam nabytkaŭ i strataŭ.

Siarod našych ciažkich strataŭ sychod u viečnaść narodnaha paeta Niła Hileviča, jaki svaim talentam žyviŭ movu i litaraturu, a svajoj hramadzianskaj pazicyjaj baraniŭ niezaležnaść. Zaŭčasna spyniłasia vialikaje biełaruskaje serca daśledčyka stalinskich złačynstvaŭ Leanida Marakova, što adnaviŭ praŭdu pra dziasiatki tysiač losaŭ, pierakručanych u kryvavych žornach balšavickaha teroru. Asabista ja ŭdziačny Leanidu za dapamohu ŭ pošukach spravy majho dzieda Maksima, rasstralanaha ŭ 1933-m.

Ale najpierš praminuły hod zastaniecca ŭ pamiaci padziejami žyćciaśćviardžalnymi.

My śviatkavali 25-hodździe niezaležnaści, uzhadvali tyja radasnyja dni, kali na palityčnaj karcie śvietu źjaviłasia Respublika Biełaruś. Vyrasła cełaje pakaleńnie biełarusaŭ, dla jakich žyć u niezaležnaj dziaržavie ŭžo hetaksama naturalna, jak dychać. Takoje ščaście jany nie addaduć nikomu.

Dumaju, što ŭ novaj hieapalityčnaj situacyi, kali i daloka, i zusim blizka ad nas idzie vajna, my pačali hłybiej asensoŭvać pieravahi žyćcia ŭ niejtralnaj bieziadziernaj krainie i značna bolš canić svoj suvierenitet. Heta adčuvajecca i ŭ hramadstvie, i na samych vysokich pavierchach ułady.

Adnoj z hałoŭnych padziej 2016-ha ja liču zachady, zroblenyja ŭładaj u dačynieńni tych, chto źnievažaje našu nacyjanalnuju hodnaść i vystupaje suprać biełaruskaj dziaržaŭnaści.

U praminułym hodzie dziakujučy časopisu «Imiony» my paśpiachova źbirali hrošy dla dziaciej-sirot i invalidaŭ, a praz kampaniju z krasamoŭnaj nazvaju «Tałaka» achviaravali srodki na kulturnickija prajekty. Heta nadzvyčaj važnyja prajavy biełaruskaj salidarnaści.

Režysior Mikałaj Pinihin u 2016-m pastaviŭ na kupałaŭskaj scenie śpiektakl «Dźvie dušy» pavodle zabaronienaj na doŭhija dziesiacihodździ apovieści Maksima Hareckaha.

U praminułym hodzie ŭ nas źjavilisia novyja biełaruskija hrošy biez vuścišnaha łancužka nuloŭ. Chtości kaža, što kupiury zanadta padobnyja da jeŭra, ale mnie heta jakraz daspadoby.

Novy hod budzie bahaty na kruhłyja i važkija histaryčnyja daty. Źmianić siońniašni dzień praź minułaje niemahčyma, ale, źviartajučysia da historyi, my možam bolš dakładna vyznačyć kaardynaty svajho byćcia i zrabić bolš pravilny vybar.

U 2017-m — stohadovy jubilej našaha bieł-čyrvona-biełaha ściaha. My budziem adznačać i 100-hodździe Pieršaha Usiebiełaruskaha źjezda, dzie prahučaŭ zaklik «Niachaj žyvie Biełaruskaja Narodnaja Respublika!».

Ale, biassprečna, hałoŭnaj histaryčnaj padziejaj budzie 500-hodździe biełaruskaha knihadrukavańnia.

Adnačasova heta i 500-hodździe biełaruskaj Biblii, čaćviortaj u śviecie Biblii, nadrukavanaj na žyvoj movie naroda. Podźvih Franciška Skaryny jašče raz nahadvaje nam, što my — jeŭrapiejcy. Ci chopić našaj uładzie mudraści hodna adznačyć viekapomnuju datu? Ci atrymaje minski mižnarodny aeraport imia Skaryny?

Ci źjavicca ŭkaz, jaki abvieścić 6 žniŭnia, kali pabačyła śviet pieršaja biełaruskaja kniha, Dniom druku?

Zusim chutka strełki hadzińnikaŭ pačnuć adlik pieršych chvilinaŭ novaha hoda. Niachaj jon budzie napoŭnieny novymi dobrymi spravami, kachańniem i siabroŭstvam! Niachaj stanie jašče adnym krokam da toj Biełarusi, pra jakuju my marym!

I znoŭ, jak zaŭsiody ŭ takija dni, ja zhadvaju svaju niezabyŭnuju babulu — dobruju viadźmarku i ščyruju viernicu. Babula lubiła kazać: «My žyviom u chacie, nad nami žyvie haryšča, nad haryščam — nieba…».

Vysokaha vam nieba, darahija suajčyńniki!

Z Novym hodam!

Kamientary28

Niemiec, prysudžany da rasstrełu, datyčny da dyviersij? Voś što za historyja heta mahła być4

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie17

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych17

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi5

Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale

Zasnavalnik Jandeksa daŭ pieršaje intervju paśla ŭciokaŭ z Rasii. Pryznaŭ svaje pamyłki10

U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču4

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być4

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →