Ministerstva zamiežnych spraŭ Litvy ŭ čaćvier uručyła notu pasłu Biełarusi ŭ krainie Alaksandru Karalu z prośbaj jak maha chutčej dać padrabiaznuju infarmacyju pra incydent na Biełaruskaj AES, źviazanym z korpusam reaktara, paviedamiła pres-słužba litoŭskaha zamiežnapalityčnaha viedamstva, piša Delfi.lt.

Pasoł A. Karol, Delfi.lt

Pasoł A. Karol, Delfi.lt

U dakumiencie MZS prosić rasśledavać hety incydent i prainfarmavać Litvu, susiednija dziaržavy i Mižnarodnaje ahienctva atamnaj enierhietyki (MAHATE) ab vynikach rasśledavańnia. U nocie vykazvajecca vielizarnaja zakłapočanaść u suviazi z paŭtoram incydentaŭ na Astravieckaj AES, pra jakija Litva daznałasia nie z aficyjnych krynic Biełarusi, a sa ŚMI.

Pavodle paviedamleńniaŭ biełaruskich ŚMI, u paniadziełak niedaloka ad čyhunačnaj stancyi Słaŭnaje ŭ Tałačynskim rajonie korpus novaha reaktara začapiŭ aporu kantaktnaj sietki čyhunki.

MZS Litvy u nocie paŭtorna zapatrabavała ad Biełarusi ŭ terminovym paradku sklikać u poŭnym abjomie misiju MAHATE pa acency placovak, jakaja i pavinna acanić prydatnaść placoŭki Astravieckaj AES dla budaŭnictva, a taksama kryteryi jaje vybaru; na padstavie padpisanaha ŭ 2011 hoda pahadnieńnia ź Jeŭrapiejskaj kamisijaj pravieści vyčarpalnyja testy pa acency ryzykaŭ i ŭstojlivaści pa mietadałohii ES i pry ŭdziele mižnarodnych ekśpiertaŭ, a taksama stvaryć mižnarodnuju kamisiju ekśpiertaŭ, jak prapanoŭvaŭ Kamitet pa realizacyi kanviencyi Espo AAN kab było staranna vyvučana adpaviednaść prajekta Astraviejkaj AES pałažeńniam kanviencyi.

Dadzieny incydent, pa źviestkach MZS Litvy, užo šosty viadomy Litvie na Astravieckaj AES.

Клас
0
Панылы сорам
0
Ха-ха
0
Ого
0
Сумна
0
Абуральна
0