Vice-premjeram u pytańniach sacyjalnaj śfiery pryznačany ministr achovy zdaroŭja Vasil Žarko. Raniej hetuju pasadu zajmała Natalla Kačanava, jakaja pajšła na pavyšeńnie — kiraŭnikom Administracyi prezidenta.

Vasilu Žarko 60 hadoŭ, jon rodam ź vioski Leśniki Drahičynskaha rajona. Ad maja 2006 hoda jon źjaŭlaŭsia ministram achoavy zdaroŭja.

Spadar Žarko pieršuju adukacyju atrymaŭ u miedvučyliščy ŭ Juraciškach Iŭjeŭskaha rajona. Potym słužyŭ u vojsku ŭ Arenburhu (Rasija), byŭ vajskovym fielčaram. Z druhoj sproby pastupiŭ u Minski miedinstytut. U VNU adznačyŭsia nie tolki ŭ vučobie, ale i pa kamsamolskaj linii.

Pa skančeńni instytuta pracavaŭ u Bresckaj dziciačaj balnicy, dzie ŭ toj čas taksama pracavała Ludmiła Pastajałka, jašče adzin budučy ministr achovy zdaroŭja.

Potym Žarko papracavaŭ na roznych pasadach u Breście i Drahičynie. U 2003 hodzie pieriechaŭ u Minsk — dyrektaram sanatoryja «Krynica». Taksama vykonvaŭ abaviazki kiraŭnika biełaruskaha Čyrvonaha Kryža.

Novy ministr achovy zdaroŭja pakul nie pryznačany.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?