Pryčynaj katastrofy Tu-154 moh stać pierahruz i sapsavańnie techniki, paviedamlaje krynica «Interfaksa».
Surazmoŭca pakazvaje na pakazańni śviedak i inšyja abjektyŭnyja dadzienyja, atrymanyja padčas rasśledavańnia. Pa słovach krynicy, jany «kažuć pra toje, što samalot nie moh nabrać vyšyniu i pa niejkaj pryčynie — mahčyma, pierahruzu i techničnaj niaspraŭnaści — abrynuŭsia ŭ mora». Jon taksama raspavioŭ, što, pa śviedčańniach vidavočcaŭ, samalot niezvyčajna doŭha lacieŭ nizka, nie nabiraŭ vyšyniu.
Viersija teraktu, pavodle jaho słoŭ, na dadzienym etapie «amal vyklučanaja».
Pryjarytetnaj viersijaj zastajecca techničnaja niaspraŭnaść, adznačyŭ surazmoŭca ahienctva. «Havorka idzie, chutčej za ŭsio, pra mahčymuju pałomku ahrehataŭ, jakija adkazvajuć za nabor vyšyni, albo niedastatkovuju ciahu ruchavikoŭ. Pry hetym nie vyklučany i čałaviečy faktar, jaki moh spryjać uźniknieńniu krytyčnaj situacyi», — pryvodzić ahienctva jaho słovy.
Raniej u paniadziełak FSB Rasii paviedamiła, što ŭstanoŭlenyja vidavočcy zdareńnia, ź imi pracujuć śledčyja. Hałoŭnymi rabočymi viersijami FSB nazyvała trapleńnie ŭ ruchavik starońnich pradmietaŭ, niajakasnaje paliva, što paciahnuła stratu mahutnaści i spynieńnie pracy ruchavikoŭ, a taksama pamyłku piłota i techničnuju niaspraŭnaść. U paviedamleńni słužby adznačałasia, što ŭźlotnaja chutkaść łajniera składała 345 km/h. Heta źjaŭlajecca štatnaj uźlotnaj chutkaściu dla sudoŭ dadzienaha typu, havaryłasia ŭ paviedamleńni.
Cichanoŭskaja pavinšavała tvitar z hadavinaj bitvy pad Oršaj. I tut pačałosia6
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary