Žychar ukrainskaha Užharada Dzianis Małafiejeŭ raspavioŭ historyju sabaki, jaki hreŭ i padtrymlivaŭ paranienuju siabroŭku. Žyvioł znajšli na stancyi Ciahłoŭka niedaloka ad Užharada.

Siabry paviedamili Małafiejevu, što sabaki ŭžo dva dni lažać na čyhunačnych rejkach. Pryjechaŭšy na miesca, jon pabačyŭ, što adzin ź ich atrymaŭ traŭmu ad ciahnika i nie moh chadzić.

Adzin sabaka lažaŭ na rejkach, a pobač znachodziŭsia druhi. Jon nie tolki hreŭ siabroŭku i baraniŭ jaje ad ludziej, ale i padtrymlivaŭ, kali pa rejkach prajazdžali ciahniki.

Małafiejeŭ raspaviadaje: «Pačuŭšy sihnał, sabaka padyšoŭ da siabroŭki, prycisnuŭsia i loh pobač ź joj. Žyvioliny apuścili hałovy, prycisnuŭšy ich da ziamli, i ciahnik prajechaŭ. Sabaka heta rabiŭ dvoje sutak zapar, udumajciesia tolki!»

Małafiejeŭ adznačyŭ, što sabak užo pieravieźli ŭ prytułak.

Клас
0
Панылы сорам
0
Ха-ха
0
Ого
0
Сумна
0
Абуральна
0