Brytanskaja karparacyja BAE Systems prademanstravała ŭčora publicy pieršy ekzemplar Braniravanaj šmatmetavaj mašyny (Armored Multi-Purpose Vehicle — AMPV), jakaja budzie asnoŭnym bronietransparcioram Suchaputnych vojskaŭ ZŠA, paviedamiŭ sajt breakingdefense.com.

Novaja mašyna zamienić BTR M113, jaki byŭ pryniaty jašče ŭ 1960 hodzie. Ciapier armija vykarystoŭvaje amal 3000 M113 u roznych madyfikacyjach.

baesystems.com

baesystems.com

AMPV taksama budzie vyrablacca ŭ niekalkich varyjantach, heta buduć: kłasičny BTR, mašyna dla evakuacyi z pola boju, mašyna—mabilny braniravany miedyčny punkt, mabilny minamiotny transparcior, mabilny kamandny punkt.

AMPV u paraŭnańni z M113. Vyjava breakingdefense.com

AMPV u paraŭnańni z M113. Vyjava breakingdefense.com

Habaryty AMPV značna bolšyja, čym u papiaredniaj mašyny, a ŭnutrany abjom — na 78% bolšy. Pry hetym AMPV adroźnivajecca lepšaj branioj.

Faktyčna AMPV — nastupnaja stadyja evalucyi BMP Bradley, bieź viežy z aŭtamatyčnaj harmataj, zatoje ź lepšaj mabilnaściu i abaranazdolnaściu.

«Siamiejstva AMPV likviduje važnyja niedachopy sučasnych Bryhadnych braniatankavych bajavych hrup u śfierach abaronienaści, zdolnaści vyžyvać i mabilnaści», — adznačaŭ u svoj čas bryhadny hienierał Devid Besiet, kiraŭnik prahram raspracoŭki naziemnych bajavych sistem.

Pierš za ŭsio novyja BTR buduć nakiravanyja ŭ amierykanskija tankavyja bryhadnyja hrupy, ŚMI adznačali, što novaja dobra abaronienaja braniatechnika — jakraz toje, čaho patrabuje supraćstajańnie z Rasijaj u Jeŭropie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?