Ekanomika

Urad vyznačyŭ klučavyja pakazčyki efiektyŭnaści raboty na 2017 hod

Pastanovaj Savieta Ministraŭ ad 8 śniežnia 2016 hoda numar 1008 «Ab realizacyi zadač sacyjalna-ekanamičnaha raźvićcia Respubliki Biełaruś na 2017 hod» zaćvierdžany pakvartalnyja značeńni klučavych pakazčykaŭ efiektyŭnaści raboty na 2017 hod dla ŭrada i Nacyjanalnaha banka, kiraŭnikoŭ respublikanskich orhanaŭ dziaržaŭnaha kiravańnia, a taksama kiraŭnikoŭ abłvykankamaŭ i Minskaha harvykankama. Takaja infarmacyja raźmieščana na Nacyjanalnym pravavym internet-partale, paviedamlaje BiełTA.

U jakaści klučavych pakazčykaŭ efiektyŭnaści raboty vyznačany dla kiraŭnikoŭ: dziaržorhanaŭ - važniejšyja metavyja pakazčyki zakazčykaŭ dziaržaŭnych prahram na 2017 hod; rajonnych, haradskich vykankamaŭ - ekspart tavaraŭ i pasłuh, pramyja zamiežnyja inviestycyi, kolkaść pracaŭładkavanych hrmadzian na navastvoranyja rabočyja miescy za košt stvareńnia novych vytvorčaściej i pradpryjemstvaŭ; arhanizacyj, majomaść jakich znachodzicca va ŭłasnaści dziaržavy abo ŭ statutnych fondach jakich 50 i bolš pracentaŭ akcyj naležyć dziaržavie, - čysty prybytak, rentabielnaść prodažaŭ, źnižeńnie ŭzroŭniu zatrat na vytvorčaść i realizacyju pradukcyi, tempy rostu ekspartu tavaraŭ, pasłuh.

Dla kiraŭnikoŭ bankaŭ, u statutnych fondach jakich 50 i bolš pracentaŭ akcyj naležyć dziaržavie, klučavymi pakazčykami efiektyŭnaści raboty buduć čysty prybytak, suadnosiny apieracyjnych raschodaŭ i prybytku ad asnoŭnaj dziejnaści, rentabielnaść narmatyŭnaha kapitału; Banka raźvićcia Biełarusi - abjomy pradastaŭleńnia hrašovych srodkaŭ na inviestycyjnyja prajekty, vydačy ekspartnych kredytaŭ, pradastaŭleńnia hrašovych srodkaŭ na padtrymku subjektaŭ małoha i siaredniaha pradprymalnictva; strachavych arhanizacyj, majomaść jakich znachodzicca va ŭłasnaści dziaržavy abo ŭ statutnych fondach jakich 50 i bolš pracentaŭ akcyj naležyć dziaržavie, - rentabielnaść finansava-haspadarčaj dziejnaści, suadnosiny tempaŭ rostu strachavych uznosaŭ pa ŭsich vidach strachavańnia i tempaŭ rostu raschodaŭ na viadzieńnie spravy, tempy rostu strachavych uznosaŭ pa vidach dobraachvotnaha strachavańnia.

Pry hetym pakazčyki efiektyŭnaści raboty nie mohuć być daviedzieny da arhanizacyj, nie adznačanych u pastanovie, i nie mohuć być źmienieny adnosna vyšejpieraličanych kiraŭnikoŭ (za vyklučeńniem kiraŭnikoŭ dziaržorhanaŭ, rajonnych, haradskich vykankamaŭ).

Akramia taho, dakumientam vyznačany miery pa dasiahnieńni klučavych pakazčykaŭ. U pryvatnaści, Ministerstvu ekanomiki daručana pradstaŭlać va ŭrad analityčnuju infarmacyju ab tendencyjach i prablemnych pytańniach sacyjalna-ekanamičnaha raźvićcia respubliki i rehijonaŭ, a taksama prajekty pastanoŭ Savieta Ministraŭ ab kredytavańni dziaržprahram i mierapryjemstvaŭ u 2017 hodzie.

Zhodna z pastanovaj, da 1 červienia 2017 hoda pavinien być praviedzieny kompleksny analiz zakanadaŭstva ŭ častcy vyjaŭleńnia norm, jakija abmiažoŭvajuć kankurencyju ŭ asobnych vidach i śfierach dziejnaści na karyść arhanizacyj z udziełam dziaržavy, a da 1 śniežnia 2017 hoda treba budzie ŭnieści ŭ Saviet Ministraŭ prapanovy ab mahčymaj karekciroŭcy zakanadaŭstva. Adpaviednaje daručeńnie dadziena Ministerstvu antymanapolnaha rehulavańnia i handlu, Ministerstvu ekanomiki, inšym respublikanskim orhanam dziaržkiravańnia, abłvykankamam i Minskamu harvykankamu.

Kamientary

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Jak transhiendar abvaliŭ prodažy samaha papularnaha amierykanskaha piva14

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam20

Nie rabicie hetuju pamyłku ŭ zachoŭvańni chleba4

Nazirajecca maštabny zboj elektroniki pa ŭsim śviecie. Aeraporty admianiajuć paloty12

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

Chutka sud nad mužčynam z «terarystyčnaha śpisu». Vierahodna, sprava tyčycca kamientaroŭ, ale jamu pahražaje da 12 hadoŭ

Ihar Słučak napisaŭ rezki kamientar pra ruskamoŭnych biełarusaŭ. Nie vytrymaŭ navat Paźniak114

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →