Ministr zamiežnych spraŭ Uładzimir Makiej 13 śniežnia ŭ Minsku abmierkavaŭ z kiraŭnictvam mižnarodnaha hramadskaha abjadnańnia «Zhurtavańnie biełarusaŭ śvietu «Baćkaŭščyna» pytańni ŭzajemadziejańnia MZS i hetaj arhanizacyi pa pahłybleńni suviaziaŭ ź biełarusami, jakija pražyvajuć za miažoj, paviedamili ŭ pres-słužbie źniešniepalityčnaha viedamstva.
ZBS «Baćkaŭščyna» na sustrečy pradstaŭlali kiraŭnik abjadnańnia Alena Makoŭskaja i staršynia rady Nina Šydłoŭskaja. Baki zakranuli temu supracoŭnictva ź biełarusami zamiežža ŭ roznych śfierach, a taksama pytańni praviadzieńnia VII źjezda biełarusaŭ śvietu.
Zhurtavańnie biełarusaŭ śvietu «Baćkaŭščyna» było stvoranaje ŭ pačatku 1990-ch hadoŭ. Pieršym prezidentam abjadnańnia staŭ kultavy biełaruski piśmieńnik Vasil Bykaŭ, staršynioj savieta — prazaik, krytyk i litaraturaznaŭca Jaŭhien Lecka.
Z 1993 pa 2001 hady pasadu staršyni «Baćkaŭščyny» zajmaŭ hramadski dziejač, hieołah, akademik Radzim Harecki, staršyni savieta — Hanna Surmač, jakaja ŭ svoj čas była dyrektaram Centralnaha dziaržaŭnaha archiva litaratury i mastactva Biełarusi.
Anatol Hryckievič i Alena Makoŭskaja ŭ 2001 hodzie byli abranyja na pasady kiraŭnika i staršyni rady abjadnańnia adpaviedna. U 2005 hodzie na pasadzie kiraŭnika Hryckieviča źmianiŭ mastak Aleś Maračkin, miesca staršyni savieta zastałosia za Makoŭskaj.
Alena Makoŭskaja ŭznačaliła abjadnańnie ŭ 2009 hodzie, na VI źjeździe biełarusaŭ śvietu ŭ 2013 hodzie jaje pieraabrali na druhi termin.
Źjezdy biełarusaŭ śvietu pad ehidaj «Baćkaŭščyny» prachodziać raz na čatyry hady. Pieršy nacyjanalny forum ŭ 1993 hodzie sabraŭ bolš za tysiaču delehataŭ ź Biełarusi i biełaruskich zamiežnych dyjaspar. Na apošni źjezd u 2013 hodzie źjechalisia amal 300 delehataŭ, jakija pradstaŭlajuć biełaruskija dyjaspary z 20 zamiežnych krain.
Cichanoŭskaja: Pierapryznačeńnie Łukašenki nie maje nijakaha ŭpłyvu na maju dalejšuju pracu5
Kamientary