Muzyka

«Hieroi 2016 hoda» ŭ muzycy — Intelligency i Vuraj

U klubie «Hraj» nazvanyja ŭładalniki muzyčnaj premii ad partału Tuzin.fm

«Adkryćciom hodu» u biełaruskaj muzycy nazvany hurt Intelligency.

Prajekt Ŭsievałada Doŭbni j Juryja Tarasieviča vyznačaje svoj styl, jak «techna-bluz», spałučajučy elektronnuju i hitarnuju muzyku. Letaś muzyki byli nazvanyja «nadziejaj hodu». Pry samym kancy 2015-ha jany całkam apraŭdali ŭsie avansy, kali vydali pieršy studyjny albom «DoLoven» na anhielskaj movie z masaj hitoŭ. Pośpiech padmacavali sioleta jašče adnym relizam — biełaruskamoŭnym mini-albomam «Mova». I, kaniečnie, žyvymi vystupami pašyranym składam (a časam z udziełam strunnaha kvartetu), jakich u hurta było bahata — jak u centry Miensku na feście vuličnaj muzyki i na solnych kancertach u Biełarusi, tak i za miažoj: jany prajšli adbor «Basovišča», trapili ŭ łajn-ap Halfway Festival u Polščy, «Džaz Koktiebiel» i «Fajnie misto» va Ŭkrainie.

Uznaharodu Intelligency uručyła Pauline, jakaja była pieramožcaj u hetaj naminacyi letaś.

U naminacyi «Hieroi hodu» sioleta byŭ adznačany za muzyčnuju aktyŭnaść hurt Vuraj i dadatkova jahony lider Siarhiej Doŭhušaŭ — za aktyŭnaść hramadzkuju.

Siarhiej viadomy taksama jak viadoŭca «Śpieŭnych kursaŭ», a jašče jak muzyčny menedžar. Na rachunku Doŭhušava-arhanizatara dva surjoznyja prajekty — «Pieśni i najhryšy viasiella vioski Lavonpal i jaje navakollaŭ» i «Pieśni matčyny z Vušaččyny». Razam z Vuraj muzyka niaspynna eksperymentavaŭ — na Novy hod byŭ prezentavany duet z CherryVata, uviesnu — supolny rok-hit z Re1ikt, a na adnym z kancertaŭ Doŭhušaŭ naohuł vystupiŭ vakalistam «reliktaŭ». Z relizaŭ hurtu — pry kancy 2015-ha jany vydali mini-albom «Šeść zahadok», na samym pačatku hodu — synhł «Śviaty viečar» z zaklikam nie padzialać narodnyja pieśni na pahanskija i chryścijanskija. A ŭvosień vyjšaŭ synhł «Oj, latała» — muzyki apracavali i zapisali ŭlubionuju pieśniu Ryhora Baradulina. Uzimku prezentavali jašče adnu novuju pieśniu — «Łastovka».

Pieramožcaŭ abvieściŭ udzielnik hurtu «Krambambula» — papiarednich «Hierojaŭ hodu» Aleś-Francišak Myškievič.

Taksama byli ŭznaharodžany pieramožcy mehaturu na Tuzin.fm: hurt Irdorath — za «Pieśniu hodu» i «Albom hodu» dy hurt Rahis za «Klip hodu».

Kamientary

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Milinkievič raskazaŭ, što biełarusy mohuć dać Jeŭropie8

Razhramili kvateru byłoha viadučaha ANT Ivana Padreza11

Amnesty International zaklikała vyzvalić Alesia Bialackaha1

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli7

Pamior biełaruski saksafanist Vital Jamuciejeŭ

Kałumbijski fanat, jaki ŭdaryŭ lidara zbornaj Uruhvaja Nuńjesa, vyjaviŭsia śviatarom FOTAFAKT2

Bajden nazvaŭ prezidentam Ukrainy Pucina20

Paźniak pierakanany, što ŭ druhim tury vybaraŭ-1994 pieramoh by Łukašenku72

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →