Prezientacyja knihi Nadzi Buki «Basia i Pihłas» projdzie ŭ halerei TUT.BY (pr-t Dziaržynskaha, 57, 9 pavierch) u paniadziełak, 19 śniežnia. Haściej čakaje sapraŭdnaje śviata z muzykaj, mandarynami, konkursami, burbałkami i navahodnimi cudami. Zapłanavanaja taksama aŭtohraf-siesija aŭtara. Pačatak u 18:30, uvachod volny!
Chutka Kalady i Novy hod — čas, kali ŭsie, asabliva dzieci, čakajuć cudaŭ. A tyja abaviazkova zdarajucca z kožnym, chto ŭ ich vieryć.
A chto jon taki — hieroj sučasnaj navahodniaj kazki? Kniha «Basia i Pihłas» adkazvaje na hetaje pytańnie. Pihłas — davoli viadomaja istota, što vyhladaje jak ptuška i voka adnačasova. Pihłasa možna ŭbačyć na bucinankach maładoj biełaruskaj mastački Nadzi Buki. Niezvyčajny piersanaž, jaki žyvicca draŭlanymi pryščepkami i razmaŭlaje burbałkami, sustrakajecca ŭ bolšaści karcin aŭtarki. Ciapier jość mahčymaść paznajomicca ź im bližej.
U knizie «Basia i Pihłas» Nadzia Buka apisvaje historyju naradžeńnia kazačnaj istoty. Hetaja kniha raspaviadaje pra dobryja ŭčynki i siamiejnyja kaštoŭnaści, pra natchnieńnie i biaźmiežnyja dziciačyja fantazii. Admietna, što Nadzia Buka — taksama aŭtarka ilustracyj. Mastačka praciahvaje tradycyi najcikaviejšych zamiežnych piśmieńnikaŭ: Antuan de Sient-Ekziupiery azdablaŭ svaimi malunkami knihu «Maleńki prync», a Tuve Jansan namalavała Mumitrolaŭ.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?13
Kamientary