Z Maskvy. Błoh Alesia Čajčyca88

Čamu Biełarusi treba całkam skasavać vizy dla ludziej z raźvitych krain

Niama nivodnaha arhumentu suprać kasavańnia vizaŭ hramadzianam bahaciejšych za Biełaruś krainaŭ i nivodnaj pryčyny z hetym marudzić, piša z Maskvy Aleś Čajčyc.

Uzbekistan kasuje vizy dla zachodnich turystaŭ. Kryvavata, pa dziŭnym pryncypie (takoje ŭražańnie, što jany bajacca napłyvu maładych hastarbajtaraŭ-nielehałaŭ z ZŠA i Francyi), ale hetaja dalokaja pryhožaja kraina ruchajecca ŭ słušnym kirunku. Ruchajecca chutčej, čym Biełaruś, dla naviedvańnia jakoj ludziam z Zachadu dahetul treba atrymoŭvać vizu, pryčym za niamałyja hrošy (standartnaja cana adnarazovaj karotkaterminovaj vizy — 60 eŭra!).

I jak tut nie nahadać u čarhovy raz:

Biełaruś pavinna całkam i ŭ adnabakovym paradku skasavać vizy jak minimum dla hramadzianaŭ krainaŭ Zachodniaj Eŭropy, ZŠA, Kanady, Aŭstralii, Novaj Zelandyi, Japonii, Paŭdniovaj Karei, Tajvania.

Ad hetaha vyjhrała b pieradusim sama Biełaruś, heta jak ništo spryjała b biznesovym suviaziam i turystyčnamu patoku.

Dakładniej, u vypadku Biełarusi heta nia stała b tryhieram dla taho, kab nazaŭtra siudy pajechali tysiačy investaraŭ i turystaŭ - nijak nie. Čerhaŭ pa biełaruskuju vizu u biełaruskich konsulstvach niama.

Kasavańnie vizaŭ u našym vypadku — heta pieradumova dla taho, kab choć niechta zacikaviŭsia i kab choć niechta padumaŭ pra toje, kab pajechać u Biełaruś, jakaja paśla 20 hadoŭ mižnarodnaj izalacyi zastajecca samaj małaviadomaj i małacikavaj krainaj u Eŭropie.

Niama nivodnaha arhumentu suprać kasavańnia vizaŭ hramadzianam bahaciejšych za Biełaruś krainaŭ i nivodnaj pryčyny z hetym marudzić.

Bo čaho bajacca?

Zhadanaha napłyvu niamieckich i belhijskich hastarbajtaraŭ, jakija tut zojmuć rabočyja miescy i padvysyć złačynnaść? Prastytutak ź Vialikaj Brytanii? Japonskich špijonaŭ, jakija vyviedajuć sakrety Mienskaha traktarnaha zavodu?

Ci, moža, kasavańnie vizavych zboraŭ pazbavić biełaruski dziaržaŭny biudžet važnaj krynicy dachodaŭ? Bo, moža, lepš spahnać myta za 10 vizaŭ, čym puścić u krainu 100 biaźvizavych turystaŭ, jakija b tut žyli ŭ hatelach, jeli ŭ restaranach i kuplali b kvitki ŭ muzei?

Abo, moža, honar nie dazvalaje kasavać vizy raniej, čym na kaleniach prypaŭzuć zachodnieeŭrapiejcy i źmirenna prapanujuć biełarusam biaźvizavy ŭjezd da siabie? Dyk tut pytańnie treba stavić inačaj, i pytańnie hetaje — da biełaruskich uładaŭ: čamu Małdova i Ałbanija jeździać u EZ biaź vizaŭ, Hruzija i Ŭkraina stajać u kroku ad biaźvizavaha režymu, krainy Bałtyi i Polšča daŭno sami členy EZ — a biełarusy płaciać za šenhienskuju vizu bolš, čym rasiejcy?

I navat kali być paranaidalnymi nakont mihrantaŭ, kantrabandy i ekspartu kalarovych revalucyj: vizavy režym i pamiežny kantrol — heta całkam roznyja rečy.Toje, što ludziam nia budzie treba atrymlivać vizu, nie aznačaje, što na ŭjeździe ŭ Biełaruś u ich nia buduć praviarać dakumenty i što pilnaja biełaruskaja pamiežnaja varta nia zmoža vyjavić nielehała, złačyncu i kantrabandysta. Tamu

biaźvizavy režym z Eŭraźviazam nijak nie supiarečyŭ by isnavańniu toj ža adzinaj mytnaj prastory i biaźvizavaha režymu z Rasiejaj.

Eksperyment ź biaźvizavym režymam vakoł Aŭhustoŭskaha kanału — dziŭnaja i niereprezentatyŭnaja reč. Čamu tolki kanał i terytoryja vakoł jaho (dziakavać bohu, tudy trapiła chacia b Harodnia)? A što, kali čałaviek ujedzie praz Bruzhi i pajedzie ŭ Miensk i Mahiloŭ? Nie rabić ža pamiežny kantrol vakoł zony Aŭhustoŭskaha kanału. Biaźvizavaj dla hramadzianaŭ raźvitych krainaŭ pavinna być terytoryja ŭsioj Biełarusi.

Narešcie, dla Biełarusi, čyja ekanomika znachodzicca ŭ kryzisie, ciapier vielmi važna pryciahvać zamiežnyja investycyi.

Navošta stavić dadatkovyja administratyŭnyja pieraškody ludziam, jakija mahli b ukłaści ŭ Biełaruś hrošy?

Nieabchodna razumieć, što hetyja ludzi mohuć biaź vizy pryjazdžać u tuju ž susiedniuju Ŭkrainu, jakaja ŭ bližejšyja hady, mahčyma, budzie hałoŭnym kankurentam Biełarusi za zamiežnyja investycyi i dzie ekanomika ŭžo pačała raści.

Tak što kasavańnie vizaŭ — heta pytańnie kankurentazdolnaści biełaruskaj ekanomiki, intehracyi Biełarusi z astatniaj Eŭropaj i astatnim śvietam. I heta kankretny niemałavažny krok, jaki možna zrabić vielmi prosta i vielmi chutka — było b tolki žadańnie.

Kamientary8

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami31

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →