Pamior Fidel Kastra, pra heta paviedamiła ahienctva Reuters sa spasyłkaj na dziaržaŭnaje telebačańnie Kuby.
Šmathadovy kiraŭnik Kuby pamior va ŭzroście 90 hadoŭ.
Fidel Alechandra Kastra Rus naradziŭsia 13 žniŭnia 1926 hoda. Padčas vučoby na jurydyčnym fakultecie univiersiteta Havany jon zacikaviŭsia palitykaj, ustupiŭšy ŭ Partyju kubinskaha naroda. U pryvatnaści jon udzielničaŭ u baraćbie z vajennymi uradami ŭ Kałumbii i Daminikanskaj respublicy.
U 1953 hodzie Kastra braŭ udzieł u niaŭdałaj sprobie źviaržeńnia kubinskaha dyktatara Fulchiensia Batysty. Ataka na kazarmy Mankada ŭ Santjaha-de-Kuba pryviali da aryštu revalucyjaniera. Padčas sudu jon vystupiŭ z pramovaj «Historyja mianie apraŭdaje», ale ŭ vyniku byŭ prysudžany da 15 hadoŭ turemnaha źniavoleńnia. U 1955 hodzie jon vyjšaŭ na volu pa amnistyi.
Z 1956 hoda Kastra pačaŭ vajnu suprać urada Batysty razam z arhientynskim revalucyjanieram Če Hievaram. Praz try hady kubinskija revalucyjaniery zachapili ŭładu ŭ krainie.
Z hetych časoŭ Kastra niaźmienna kiravaŭ krainaj amal 50 hadoŭ.
Samym napružanym momantam u najnoŭšaj historyi Kuby staŭ Karybski kryzis 1962 hoda, kali SSSR sprabavaŭ raźmiaścić na vostravie rakiety ź jadziernymi bojehałoŭkami, nakiravanyja suprać ZŠA. Na dumku historykaŭ, hetaja situacyja mahła abiarnucca Treciaj Suśvietnaj vajnoj.
U apošnija hady žyćcia ŭ jaho byli prablemy sa zdaroŭjem. U 2008 hodzie vymušany byŭ pieradać uładu svajmu małodšamu bratu.
Paźniej jon pryznaŭsia, što zrabiŭ heta z-za chvaroby straŭnika, u 2006 hodzie lekary pastavili jamu śmiarotny dyjahnaz.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary