Na minułym tydni ŭ Fłorydzie amerykanskija pravaachoŭniki zatrymali 39-hadovaha žychara Izrailu Anry Šušana i 65-hadovaha žychara Biełarusi Vienijamina Hałynkina, piša Radyjo Svaboda.
Pavodle Federalnaha biuro raśśledavańniaŭ, Šušan i Hałynkin namiervalisia pastavić u Irak i Sudan 500 tysiač adzinak bojeprypasaŭ dla 23-milimetrovych zenitnych harmat. U ZŠA ekspart zbroi i bojeprypasaŭ u hetyja krainy zabaronieny.
Košt planavanaj pastaŭki byŭ acenieny na 1 miljon dalaraŭ.
Pavodle śledztva, Šušan padrabiŭ dakumenty, kab pakazać, što bojeprypasy ekspartujucca lehalna na Kipr i ŭ inšyja krainy. Hałynkin, jaki mieŭsia dapilnavać vysyłki bojeprypasaŭ i zabiaśpiečyć pieravod hrošaj, prylacieŭ u ZŠA 13 listapada. Paśla zatrymańnia jon tłumačyŭ pravaachoŭnikam, što ŭ Biełarusi da jaho źviarnuŭsia siabar z Syryi. Jon prapanavaŭ Hałynkinu 2,5 tysiačy dalaraŭ, kab toj źjeździŭ u ZŠA i pravieryŭ «palaŭničyja strelby». Biełarus pryznaŭsia, što viedaŭ sumu ździełki — miljon dołaraŭ, a taksama sumu zadatku — 100 tysiač, ale nie dumaŭ, što havorka idzie pra bojeprypasy da zenitnaj zbroi.
Baranavickaje vydańnie Intex-Press paviedamlaje, što Vienijamin Hałynkin — adzin z upłyvovych biznesmenaŭ Baranavičaŭ. Svoj biznes jon pačynaŭ z prodažu cukrovaj vaty napiaredadni razvału SSSR. Da siaredziny 90-ch u Hałynkina ŭžo byli šviejnaja vytvorčaść, niekalki kramaŭ i aŭtazapravak, vydaviecki biznes (jon źjaŭlaŭsia zasnavalnikam hazety «Šah»). Siońnia biznes Hałynkina zvuziŭsia da nievialikaha hatelu, ahrasiadziby ŭ pabudovie i niekalkich abjektaŭ nieruchomaści, jakija jon zdaje ŭ arendu.
Vyjšaŭ na svabodu 76-hadovy Siamion Dobkin, brat zasnavalnika EPAM7
Kamientary