Na poŭnačy Mjanmy ŭ karjer, dzie zdabyvajuć niefryt, upaŭ ź nieba vialiki mietaličny abjekt, paviedamlaje VVS sa spasyłkaj na dziaržaŭnyja ŚMI. Cylindryčny abjekt — 4,5 m u daŭžyniu i 1,2 m u šyryniu — byŭ znojdzieny ŭ čaćvier u štacie Kačyn.

Yannaing Pyi Sone Aung

Amal u toj ža čas jašče adzin kavałak mietału z nadpisam na kitajskaj movie prałamaŭ dach susiedniaha doma, abyšłosia biez achviar i paciarpiełych.

Jak miarkujecca, abłomki mohuć być źviazanyja z zapuskam kitajskaha ekśpierymientalnaha spadarožnika «Pulsar», jaki rakietanośbit «Čančžen-11» vyvieŭ na arbitu ŭ noč na čaćvier.

Pa słovach čynoŭnikaŭ, abjekt, jaki prylacieŭ ź nieba, paśla ŭdaru ab ziamlu adskočyŭ na 50 mietraŭ, a zatym upaŭ u karjer, pieradaje hazieta Global New Light of Myanmar.

Miascovyja žychary raspaviali, što pačuli huk, padobny da vybuchu.

«My ŭsie spałochalisia hetaha vybuchu», — skazaŭ vydańniu Myanmar Times žychar vioski Da Maŭnh Mia. «Spačatku my dumali, što heta pačalisia bai. Z-za vybuchu našy chaty zadryžali», — raspavioŭ jon. Pavodle jaho słoŭ, pablizu abjekta adčuvaŭsia jedki pach.

«Jak miarkujecca, znojdzienyja mietaličnyja abjekty mohuć być častkami spadarožnika abo detalami ruchavika ad samalota abo rakiety», — paviedamlaje Global New Light.

Urad štata Kačyn zajaviŭ, što pakul identyfikavać abjekt nie ŭdałosia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?