AFP

U piatnicu 11 listapada tysiačy ludziej uziali ŭdzieł u pieršaj imšy ŭ Chramie Providu Božaha. Imša stała pačatkam uračystaściaŭ, prymierkavanych da 98-hodździa adnaŭleńnia Polščaj niezaležnaści. U cyrymonii ŭziali ŭdzieł pieršyja asoby dziaržavy, u tym liku prezident Polščy Andžej Duda i premjer-ministr Bieata Šydła.

Liturhičnaja słužba pačałasia z vykanańnia dziaržaŭnaha himna. Kardynał Kazimiež Nyč u svajoj pramovie adznačyŭ, što dnia adkryćcia chrama palaki čakali bolš za 200 hadoŭ. Dekłaracyja ab budaŭnictvie carkvy była pryniataja Vialikim Sojmam ŭ 1791 hodzie praz dva dni paśla pryniaćcia Kanstytucyi 3 maja.

PAP

Było šmat sprobaŭ vykanać abiacańnie, ale jany nie ŭviančalisia pośpiecham. U 1998 hodzie, pa inicyjatyvie prymasa Polščy, kardynała Juzafa Hlempa, Siejm znoŭku paćvierdziŭ svajo rašeńnie ad 1791 hoda. Dla budaŭnictva było vybranaje miesca ŭ centry varšaŭskaha rajona Vilanaŭ. U novym konkursie pieramoh prajekt prafiesara Marka Budzyńskaha.

Chram Providu Božaha maje formu kuba z kupałam. U vierchnim chramie raźmieščanyja ałtary i kaplicy, pryśviečanyja važnym padziejam u historyi Polščy. Nižni chram źjaŭlajecca svajho rodu polskim Panteonam — miescam pachavańnia vybitnych palakaŭ, naprykład, tut pachavany śviatar Jan Tvardoŭski i apošni prezident Polščy ŭ vyhnańni Ryšard Kačaroŭski, jaki zahinuŭ u avijakatastrofie pad Smalenskam.

PAP

Akramia taho, na bazie kulturna-relihijnaha Centra Providu Božaha budzie stvorany muziej papy Jana Paŭła II i prymasa Polščy kardynała Stefana Vyšynskaha. Adkryćcio muzieja zapłanavanaje na vosień 2018 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?