U piatnicu praciahvajecca sud nad matacyklistam, jakija spryčyniŭsia da hučnaha DTZ u centry Minska 18 krasavika. Siońnia prachodziać sprečki bakoŭ. Svajo słova skazaŭ dziaržabvinavaŭca — jon zapatrabavaŭ 5 hadoŭ kałonii dla abvinavačanaha.

Z apošnim słovam vystupiŭ i sam abvinavačany. Siarhiej Šaŭcoŭ pažadaŭ paciarpiełamu vyzdaraŭleńnia, a ŭsim prysutnym padziakavaŭ za padtrymku.

Svajoj viny jon nie pryznaŭ i zajaviŭ, što zhodny pahasić tolki častku maralnaj škody inśpiektaru DAI ŭ pamiery 5000 rubloŭ (nahadajem, inśpiektar paprasiŭ zadavolić pazoŭ na sumu ŭ 50 tysiač rubloŭ).

Paśla sudovaha pasiedžańnia svajaki vychodzili sumnymi, šmat chto płakaŭ, kazali, što ličać pakarańnie, jakoje zapytaŭ prakuror, zanadta surovym. Tym bolš, što ŭ čas DTZ paciarpieŭ i sam matacyklist.

U sudzie abvieščany pierapynak. Prysud abvieściać siońnia ŭ druhoj pałovie dnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?