Jak minimum adzin čałaviek zahinuŭ u vyniku vybuchu na pradpryjemstvie chimičnaha kancerna BASF ŭ niamieckim horadzie Ludvihschafenie, paviedamlajuć miascovyja ŚMI sa spasyłkaj na pres-słužbu haradskich uładaŭ.
Getty
Pavodle apošnich dadzienych, jašče nie mienš za šeść čałaviek atrymali ciažkija traŭmy. Akramia taho, šeść čałaviek, u liku jakich jość pažarnyja, jakija prybyli pa vykliku, prapali bieź viestak.
Pa słovach kiraŭnika pažarnaj słužby horada, na dadzieny momant pažar, jaki pačaŭsia na pradpryjemstvie paśla vybuchu, udałosia łakalizavać, adnak całkam jon nie patušany. Pažarnyja spadziajucca całkam likvidavać uzharańnie da nočy.
Vybuch adbyŭsia kala 11:30 pa miascovym časie padčas rabot na trubapravodzie, pryznačanym dla transparciroŭki chimikataŭ. Pa słovach pradstaŭnika pradpryjemstva, dakładnaja pryčyna zdareńnia pakul nie vyjaŭlenaja.
Kancern śćviardžaje, što incydent nie ŭjaŭlaje niebiaśpieki dla žycharoŭ horada. Adnak miascovyja ŭłady ŭsio ž rekamiendujuć haradžanam pakul nie vychodzić na vulicu.
Kancern BASF uvachodzić u lik najbujniejšych chimičnych kampanij u śviecie. Jon vyrablaje bolš za siem tysiač najmieńniaŭ roznaj chimičnaj pradukcyi. U Ludvihschafenie raźmieščanaja štab-kvatera kancerna.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?18
Kamientary