U Homielskim rajonie 15 kastryčnika niepadalok ad pasiołka Prybar u lasnym masivie znojdzieny trup źnikłaha raniej hrybnika.
Jak paviedamili ŭ adździele infarmacyi i hramadskich suviaziaŭ UUS Homielskaha abłvykankama, trup mužčyny 1959 hoda naradžeńnia, žychara Homiela, byŭ znojdzieny biez bačnych prykmiet hvałtoŭnaj śmierci. Mužčyna pajšoŭ u hryby 8 kastryčnika. Kali jon nie viarnuŭsia dadomu, žonka nie zaniepakoiłasia, bo kala lesu ŭ siamji jość dača, i žonka vyrašyła, što hamialčanin zastaŭsia tam. Jana telefanavała mužu, ale toj nie zdymaŭ trubku. Tolki 13 kastryčnika žančyna źviarnułasia ŭ milicyju.
Orhany ŭnutranych spraŭ nahadvajuć hramadzianam, što źviartacca ŭ milicyju ŭ vypadku źniknieńnia svajakoŭ treba jak maha raniej, a nie čakać troch-piaci sutak.
Ciapier u Žytkavickim rajonie šukajuć mužčynu 1949 hoda naradžeńnia, žychara Mazyra. Jon 10 kastryčnika pryjechaŭ da svajakoŭ i pajšoŭ u les pa žuraviny, biez telefona. Žonka źviarnułasia ŭ milicyju 14 kastryčnika. Pošuki mužčyny abciažaranyja tym, što źnik jon u bałocistaj miascovaści.
Kamientary