Siońnia, 16 kastryčnika, Ruch «Za Svabodu» padčas spravazdačna-vybarčaj kanfierencyi abiare novaha kiraŭnika arhanizacyi, jakim ad 2007 hoda źjaŭlajecca Alaksandr Milinkievič.
Ustanoŭčy źjezd ruchu prajšoŭ 20 traŭnia 2007 hoda ŭ Hrodnie. Hramadskuju arhanizacyju atrymałasia zarehistravać tolki z čaćviortaha raza 17 śniežnia 2008 hoda.
69-hadovy Milinkievič zajaŭlaŭ, što nie budzie ŭ čarhovy raz vystaŭlać svaju kandydaturu na pasadu staršyni arhanizacyi. U toj ža čas pra svaje ambicyi na lidarstva ŭ arhanizacyi paviedamlali jaho namieśniki 38-hadovy Juraś Hubarevič i 42-hadovy Aleś Łahviniec.
Za niekalki dzion da kanfierencyi Łahviniec vystupiŭ z prapanovaj uvieści sustaršynstva ŭ arhanizacyi, kab vyklučyć mahčymaść raskołu ŭ ruchu. Adnak Hubarevič zajaviŭ, što heta źjaŭlajecca «słabaj prapanovaj», jakaja nie pojdzie na karyść arhanizacyi.
Padčas spravazdačna-vybarčaj kanfierencyi taksama buduć zasłuchany spravazdačy kiraŭnictva ab dziejnaści ruchu.
U adpaviednaści sa statutam zadačami arhanizacyi źjaŭlajucca:
- sadziejničańnie pabudovie hramadzianskaj supolnaści i pravavoj dziaržavy, zaćviardžeńnie pryncypaŭ svabody, demakratyi i pravoŭ čałavieka;
- sadziejničańnie zabieśpiačeńniu niezaležnaści i suvierenitetu Respubliki Biełaruś, pavyšeńniu jaje mižnarodnaha aŭtarytetu;
- sadziejničańnie stvareńniu ŭmovaŭ dla praviadzieńnia ŭ Biełarusi ŭsieahulnych, svabodnych i roŭnych vybaraŭ prezidenta, deputataŭ u adpaviednaści ź mižnarodnymi standartami.
Łukašenka ŭpieršyniu źjaviŭsia na publicy razam z mamaj Koli26
Kamientary