Kino1212

Zdymki filma pa Bykavu za narodnyja hrošy pad pahrozaj zryvu

Alaksandr Mielichaviec vyrašyŭ ekranizavać «Narodnych mściŭcaŭ» Bykava za narodnyja hrošy. Mierkavaŭ, na imia Bykava i ludzi achviarujuć, i akciory padciahnucca. Ale na spravie akazałasia nie ŭsio tak prosta.

Fota Alaksandra Mielichaŭca.

Koratka pra apaviadańnie

«Narodnyja mściŭcy» — heta čaćviora viaskoŭcaŭ, jakija vyrašajuć adpomścić byłomu supracoŭniku karnych orhanaŭ Vusavu. Praz šmat hadoŭ jon viarnuŭsia, kab naviedać svajho kolišniaha pamahataha ŭ brudnych spravach. Ich namahańniami kaliści byli zahublenyja losy mnohich miascovych siemjaŭ.

Saŭčanka, Dubčyk, Snajpier-Ivan i Lapleŭski vyrašajuć zabić byłoha karnika. Adnak Saŭčanka nie vytrymlivaje doŭhaha čakańnia zručnaha momantu i idzie kasić. Śledam za im Dubčyk adpraŭlajecca praviarać, ci zastałosia što ŭ butelcy, raśpitaj napiaredadni. A hałoŭny zavadatar, Snajpier-Ivan, paprostu pravalvajecca ŭ son. Z Vusavym sustrakajecca tolki nastaŭnik Lapleŭski…

Asnoŭnaje pra zdymki filma

Čytajecca apaviadańnie za hadzinu, pa zadumie Alaksandra Mielichaŭca film taksama nie budzie daŭžejšym.

Tvor budzie pakazany va ŭłasnaj interpretacyi režysiora, tamu možna čakać epizodaŭ, jakich nie sustrakajecca ŭ tekście.

Źniać karcinu płanujuć za try dni. Heta kali adkinuć čas na repietycyi, jakija ŭžo ciahnulisia niekalki tydniaŭ i jašče buduć praciahvacca.

Dla zdymak abrali miascovaść pad Niaśvižam, za 150 kiłamietraŭ ad Minska.

Biudžet — 1000 dalaraŭ. Heta šostaja častka toj sumy, jakuju płanavali sabrać na kraŭdfandynhavaj placoŭcy. Srodkaŭ katastrafična brakuje, adnak režysior adčuvaje adkaznaść pierad ludźmi, jakija achviaravali hrošy, i nie źbirajecca adrakacca svajoj zadumy.

Režysior pra padvodnyja kamiani

Pakolki biudžet filma mizerny, źlapić cukieračku budzie niaprosta. Alaksandr užo paśpieŭ u hetym upeŭnicca.

«Toje, što mianie ŭraziła, da čaho ja nie byŭ hatovy — heta staŭleńnie ludziej da prajekta. Ja dumaŭ, dastatkova skazać imia Bykava, kab zaachvocić amataraŭ biełaruščyny dapamahać. Pa faktu akazałasia, što za biaspłatna heta amal nikomu niecikava. Bykaŭ i hety prajekt nasamreč nikomu niepatrebnyja, — kanstatuje Alaksandr.

— Ja mahu ŭziać fotaaparat i pazdymać kahości za paru hadzin, ale heta budzie chałtura. Chočacca zrabić film maksimalna jakasna. Kab była dobraja technika, kab pracavali ludzi z peŭnym dośviedam, kab byŭ jakasny post-pradakšn. Na žal, heta ŭsio ciahnie hrošy. Ich niama, i my sprabujem zrabić za tysiaču toje, što robicca za 50 tysiač.

Prajekt, pa sutnaści, pad pahrozaj zryvu. Z ulikam taho, što ŭžo patračana na repietycyi i kaściumy, zastajecca adna piataja ad zajaŭlenaha biudžetu. Chacia i mifičnyja šeść tysiač — nie mnoha. Ja nie kažu pra halivudskija, u rasijskich filmach minimalny biudžet — dva miljony dalaraŭ. Kali havorka idzie pra miljony — heta adno, kali pra tysiačy — inšaje. My skaracili zdymačnyja dni da troch — heta ničoha dla takoha prajekta, ale i na ich ciapier hrošaj niama. Spadziajusia, što srodki jašče atrymajecca dabrać.

Tym nie mienš, ja sprabuju zrabić hodny film. Materyjał i Bykaŭ hetaha zasłuhoŭvajuć. Ja braŭ temu, jakaja mnie padabajecca, braŭ piśmieńnika, jaki mnie padabajecca, braŭ formu, jakaja mnie padabajecca. I za heta płaču niervami, časam, ułasnymi hrašyma.

Ja, darečy, nie chacieŭ by, kab prajekt usprymaŭsia mienavita praź biudžet, jak film za 1000 dalaraŭ ci chaj sabie za piać-šeść tysiač. Chočacca zrabić film, varty ŭvahi mienavita svaimi mastackimi jakaściami ci chacia b temaj, idejaj, movaj. Zaachvocić ludziej zadumacca nad tym, što kaža Vasil Bykaŭ. Ci chacia b pračytać hetaje apaviadańnie».

Zaviaršyć karcinu płanujecca da novaha hoda. Režysior nie choča adkładać rabotu da nastupnaha leta, choć dziejańnie ŭ apaviadańni adbyvajecca mienavita ŭ hetuju paru hoda. Na dumku Alaksandra, adkładańnie ničoha dobraha nie pryniasie. Treba kavać žaleza, pakul haračaje, niahledziačy ni na jakija ciažkaści.

Kali vy chočacie dapamahčy prajektu ažyćciavicca, źviazvajciesia z režysioram Alaksandram Mielichaŭcom:

[email protected]

https://www.facebook.com/profile.php?id=100000806220562

https://vk.com/mielichaviec

+375-33-600-36-58

Kamientary12

Padrabiaznaści teraktu Kryhiera pad Aziaryščam — razburanyja špały i nivodnaha paranienaha5

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža5

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam8

Čamu Bajden vyrašyŭ vyjści z honki? Voś što pra heta pišuć suśvietnyja miedyja3

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

Padrabiaznaści teraktu Kryhiera pad Aziaryščam — razburanyja špały i nivodnaha paranienaha5

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Hałoŭnaje
Usie naviny →