Karol Tajłanda Pumipon Aduljadet pamior u balnicy ŭ Banhkoku va ŭzroście 88 hadoŭ.
Paviedamleńnie karaleŭskaha dvara začytana pa dziaržaŭnych telekanałach.
Paviedamlajecca, što manarch «pajšoŭ z žyćcia mirna» u 15:52 pa Banhkoku (11:52 pa minskim časie).
Viestku ab sychodzie karala, jaki kiravaŭ Tajłandam 70 hadoŭ, jaho paddanyja, što sabralisia la ścien balnicy, sustreli krykami i płačam. Na viečar užo pryznačana ekstrannaje pasiadžeńnie ŭrada i parłamienta.
***
Karol naradziŭsia 5 śniežnia 1927 h. u Kiembrydžy (ZŠA), dzie jaho baćka — brat karala Ramy Siomaha — vyvučaŭ miedycynu ŭ Harvardskim univiersitecie.
Pumipon Aduljadet atrymaŭ u spadčynu tron 9 červienia 1946 hoda paśla hibieli starejšaha brata — karala Anandy Machidoły (Rama Vośmy). Jon byŭ aficyjna karanavany 5 maja 1950 hoda, a ŭ 1987 hodzie jamu prysvoili tytuł Vialiki. Karol u Tajłandzie — nie tolki kiraŭnik dziaržavy i adnačasova viarchoŭny hałoŭnakamandujučy ŭzbrojenymi siłami krainy, ale i zastupnik i abaronca ŭsich relihij.
Pumipon Aduljadet kiravaŭ daŭžej za ŭsich žyvučych manarchaŭ u śviecie i daŭžej za ŭsich svaich papiarednikaŭ. Za hady jaho kiravańnia ŭ Tajłandzie źmianiłasia bolš za 20 premjer-ministraŭ, było pryniata 18 kanstytucyj, adbyłosia 19 dziaržaŭnych pieravarotaŭ.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary