Sielhaskirmašy projduć 8—9 kastryčnika ŭ Minsku kala «Čyžoŭka-Areny» i Pałaca sportu
Dva maštabnyja ahulnaharadskija sielskahaspadarčyja kirmašy projduć u bližejšyja vychadnyja, 8—9 kastryčnika, u Minsku. Takaja infarmacyja raźmieščana na sajcie hałoŭnaha ŭpraŭleńnia spažyvieckaha rynku Minharvykankama.
Z 9.00 da 16.00 razhorniecca kirmaš vychadnoha dnia na placoŭcy, prylehłaj da vialikaj areny ŠKSZK «Čyžoŭka-Arena» (vuł. Taškienckaja, 19), dzie sielskahaspadarčuju pradukcyju pradstaviać pradpryjemstvy Hrodzienskaj vobłaści: Hrodzienski, Lidski, Vaŭkavyski, Ašmianski i Słonimski miasakambinaty, Lidski małočna-kansiervavy kambinat, Małočnaja kampanija «Navahrudskija dary», Ščučynski masłasyrzavod, Dziatłaŭski syrarobny zavod, Hrodzienskaja aharodninnaja fabryka, fiermierskija haspadarki, ptuškafabryki, rybhasy, pradpryjemstvy spažyvieckaj kaapieracyi inš.
U hety ž čas adbudziecca ahulnaharadski sielskahaspadarčy kirmaš vychadnoha dnia na placoŭcy ŭ rajonie Pałaca sportu (pr. Pieramožcaŭ, 4) z udziełam pradpryjemstvaŭ Minska, Minskaj vobłaści, Biełkaapsajuza, DA «Biełvodhas» i inšych.
Na kirmašach u šyrokim asartymiencie budzie pradstaŭlena pradukcyja novaha ŭradžaju (bulba, kapusta, buraki, morkva, cybula, jabłyki, hrušy, harbuzy, kabački, žuraviny), a taksama miod, miasa i paŭfabrykaty, kaŭbasnyja vyraby, vendžanina, syry, masła, małočnaja pradukcyja, žyvaja ryba, sadžancy pładova-jahadnych dreŭ i kustoŭ.
Vieteranam Vialikaj Ajčynnaj vajny i ludziam z abmiežavanymi mahčymaściami zabiaśpiečać biaspłatnuju dastaŭku sielhaspradukcyi.
Nočču ŭ Biełaruś zalacieli vosiem dronaŭ. Adzin amal dabraŭsia da miažy ź Litvoj7
Kamientary