Centr biełaruskaj movy i kultury adkryŭsia ŭ Nacyjanalnym univiersitecie sučasnych moŭ Pakistana.

Pavodle słoŭ ministra adukacyi Biełarusi Michaiła Žuraŭkova, adnym z kirunkaŭ dziejnaści centra stanuć padrychtoŭčyja kursy pa vyvučeńni biełaruskaj i ruskaj moŭ.

«Cikavaść da biełaruskaj sistemy adukacyi ŭ Pakistanie davoli značnaja. U padrychtoŭcy hetaha centra ŭdzielničała vialikaja kolkaść studentaŭ, jakija hatovy siudy pryjści, paznajomicca z našaj movaj, — źviarnuŭ jon uvahu. — Siudy buduć pryjazdžać vykładčyki z našych univiersitetaŭ. Jany taksama buduć raskazvać pra śpiecyjalnaści, jakija možna atrymać u Biełarusi, i ŭ cełym pra našu krainu».

Kiraŭnik viedamstva adznačyŭ, što Pakistan hatovy supracoŭničać ź Biełaruśsiu ŭ adukacyjnaj śfiery.

«U čas vizitu prezidenta Biełarusi ŭ Pakistan my padpišam miemarandum ab adkryćci tut centraŭ prafiesijnaha navučańnia. Spačatku siudy buduć pryjazdžać našy vykładčyki. Potym my padrychtujem hlebu, kab maładyja ludzi, jakija chočuć atrymać cikavyja prafiesii, pryjazdžali ŭ Biełaruś na pierapadrychtoŭku», — rastłumačyŭ Michaił Žuraŭkoŭ.

Jak praviła, u Pakistanie zacikaŭlenyja ŭ atrymańni siaredniaj śpiecyjalnaj adukacyi pa pramysłovych i miedycynskich śpiecyjalnaściach, a taksama vyšejšaj adukacyi ŭ miedycynie i IT-śfiery. Cikavicca pakistanskaja moładź taksama fundamientalnymi daśledavańniami pa matematycy, chimii i fizicy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?