Ułady hatovyja pradać «Krynicu», «Mastoŭdreŭ» i «Mahiloŭliftmaš» stratehičnamu inviestaru?

Siońnia na pres-kanfierencyi ŭ Minsku stała viadoma, što ŭrad Biełarusi prapanavaŭ Jeŭrapiejskamu banku rekanstrukcyi i raźvićcia (JEBRR) pravieści pieradprodažnuju padrychtoŭku piaci dziaržpradpryjemstvaŭ. Chto moža trapić u pole zroku zamiežnych inviestaraŭ, pasprabavaŭ vyśvietlić TUT.BY.

Kiraŭnik pradstaŭnictva JEBRR u Biełarusi Fransis Dełej skazaŭ, što ŭ ramkach novaj krainavaj stratehii, jakaja była zaćvierdžanaja ŭ vieraśni hetaha hoda, ad urada Biełarusi pastupiŭ zapyt na akazańnie sadziejničańnia ŭ pryvatyzacyi piaci bujnych dziaržaŭnych pradpryjemstvaŭ.

Pa ŭsich piaci prajektach JEBRR pracavać nie zmoža, pakolki pieradprodažnaja padrychtoŭka — heta dastatkova stratny zaniatak, skazaŭ bankir. «U ciapierašni čas my pravodzim kompleksnuju acenku hetych pradpryjemstvaŭ, kab vybrać adno ź ich», — rastłumačyŭ Dełej. Kali pieradpryvatyzacyjnaja praca budzie zavieršanaja, na abranaje dziaržpradpryjemstva pryjdzie stratehičny inviestar. «My ličym, što pytańnie ab pryciahnieńni stratehičnaha inviestara moža być vyrašanaje na praciahu piaci-šaści hadoŭ», — dadaŭ bankir. Nazyvać hetyja pradpryjemstvy jon nie staŭ.

Razam z tym Fransis Dełej paćvierdziŭ infarmacyju ab tym, što JEBRR prajaŭlaje cikavaść da Banka Maskva-Minsk, jaki taksama znachodzicca ŭ dziaržułasnaści. «My vykarystoŭvajem prykład Bielinviestbanka dla taho, kab abmiarkoŭvać z uradam mahčymaść paŭtareńnia hetaj historyi ź dziaržaŭnym Bankam Maskva-Minsk», — skazaŭ kiraŭnik pradstaŭnictva JEBRR u Minsku.

U ciapierašni čas Jeŭrapiejski bank rekanstrukcyi i raźvićcia zajmajecca pieradprodažnaj padrychtoŭkaj dziaržaŭnaha Bielinviestbanka. Pieršy namieśnik ministra finansaŭ Maksim Jermałovič nazvaŭ dadzieny prykład «najbolš prymalnym varyjantam pryvatyzacyi dziaržpradpryjemstvaŭ dla ŭrada». U razmovie z žurnalistami jon paćvierdziŭ, što prapracoŭvajecca prajekt praciahu supracoŭnictva ź JEBRR u častcy pryvatyzacyi dziaržpradpryjemstvaŭ. Ale taksama nie nazvaŭ udzielnikaŭ.

Pa słovach adnoj z krynic TUT.BY, znajomych z chodam pieramovaŭ, «havorka idzie pra siarednija biełaruskija dziaržpradpryjemstvy z roznych siektaraŭ ekanomiki».

«JEBRR cikavyja siarednija pradpryjemstvy i bujniejšyja. Plus pradpryjemstvy pavinny być žyvučyja, a nie zabityja. Pavinna prahladacca pierśpiektyva raźvićcia. Bank — nie reanimatołah», — skazaŭ surazmoŭca. U jakaści favaryta jon nazvaŭ piŭzavod «Krynica». Infarmacyju pra toje, što hetaje pradpryjemstva jość u śpisie, paćvierdziła krynica ŭ bankaŭskich kołach. «Nakolki ja viedaju, jašče jość pradpryjemstvy, jakija zajmajucca drevaapracoŭkaj, stvareńniem liftaŭ i žalezabietonnych kanstrukcyj», — skazaŭ jon, nie ŭdakładniŭšy nazvy pradpryjemstvaŭ. Pavodle infarmacyi TUT.BY, havorka idzie pra «Mahiloŭliftmaš» i «Mastoŭdreŭ».

«Heta nie «Biełkalij», viadoma, ale całkam dychtoŭnyja biełaruskija pradpryjemstvy. Jany mohuć być cikavyja inviestaram», — padsumavaŭ surazmoŭca.

• 0
• 0
• 0
• 0
• 0
• 0