19 vieraśnia ŭ ramkach vizitu ŭ Ńju-Jork ministr zamiežnych spraŭ Biełarusi Uładzimir Makiej pryniaŭ udzieł u pasiadžeńni vysokaha ŭzroŭniu Hienieralnaj Asamblei AAN, pryśviečanym prablemie biežancaŭ i mihrantaŭ.

U svaim vystupleńni kiraŭnik biełaruskaha zamiežnapalityčnaha viedamstva adznačyŭ, što asnoŭnaja masa biežancaŭ u śviecie siońnia źjaŭlajecca pramym ci ŭskosnym vynikam zaciažnych ŭzbrojenych kanfliktaŭ, pramoha ŭmiašańnia va ŭnutranyja spravy suvierennych dziaržaŭ i niepavahi asnovatvornych pryncypaŭ, zakładzienych u Statucie AAN.

U.Makiej padkreśliŭ, što pryncyp «raźmierkavańnia adkaznaści», jaki aktyŭna prasoŭvajecca niekatorymi krainami, pavinien, u pieršuju čarhu, nakładać adkaznaść na tych, chto staić za raspalvańniem kanfliktaŭ na terytoryi suvierennych dziaržaŭ, jakija prymušajuć ludziej masava pakidać svaje damy, paviedamlaje pres-słužba MZS.

Padčas svajho vizitu ŭ Ńju-Jorku U.Makiej pravioŭ šerah sustreč ź ministrami zamiežnych spraŭ Mazambika, Turcyi, Respubliki Kareja, Ekvadora, a taksama pamočnikam Dziaržaŭnaha sakratara ZŠA.

mfa.gov.by

mfa.gov.by

Padčas sustrečy z pamočnikam Dziaržaŭnaha sakratara ZŠA Viktoryjaj Nułand baki adznačyli nieabchodnaść zachavańnia stonoŭčaj dynamiki ŭ biełaruska-amierykanskich adnosinach. Asobnaja ŭvaha na pierahavorach była nadadziena abmierkavańniu mier, vielmi važnych dla poŭnaj narmalizacyi ŭzajemadziejańnia pamiž Biełaruśsiu i ZŠA. Surazmoŭcy taksama abmianialisia mierkavańniami nakont situacyi ŭ uschodniejeŭrapiejskim rehijonie.

Клас
0
Панылы сорам
0
Ха-ха
0
Ого
0
Сумна
0
Абуральна
0