Amal 4 tys. vybarščykaŭ na parłamienckich vybarach u Biełarusi nie kinuli biuleteni ŭ skryni dla hałasavańnia, pakinuŭšy ich sabie «na pamiać». Ab hetym paviedamiła siońnia staršynia Centrvybarkama Lidzija Jarmošyna na pasiadžeńni CVK, pieradaje BIEŁTA.
«Vybarščykaŭ, jakija atrymali biuleteni, było 5 215 359, adnak amal 4 tys. vybarščykaŭ nie danieśli biuleteni — abo zabrali na pamiać, abo heta było zroblena śpiecyjalna», — zaŭvažyła Lidzija Jarmošyna. Takim čynam, kolkaść udzielnikaŭ vybaraŭ pa krainie skłała 5 211 871. Jaŭka skłała 74,68 pracenta.
Kolkaść hałasoŭ, padadzienych za kandydataŭ, jakija vybyli da asnoŭnaha dnia elektaralnaj padziei (źnialisia ŭ pieryjad daterminovaha hałasavańnia), skłała 4 056 čałaviek. Suprać usich kandydataŭ padadziena 491 956 hałasoŭ vybarščykaŭ. Praz sapsavanyja biuleteni padadziena hałasoŭ 65 661.
Na praciahu parłamienckaj kampanii pastupiła 479 zvarotaŭ. Pavodle słoŭ Lidzii Jarmošynaj, kali paraŭnoŭvać hetu ličbu z danymi za 2012 hod, to kolkaść zvarotaŭ, padadzienych u CVK, istotna źmienšyłasia (čatyry hady tamu ich było 672).
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju1
Kamientary