Centrvybarkam na pasiadžeńni 16 vieraśnia zaćvierdziŭ vyniki vybaraŭ u Pałatu pradstaŭnikoŭ Nacyjanalnaha schodu šostaha sklikańnia.
Pavodle dadzienych Centralnaj kamisii, u vybarach deputataŭ Pałaty pradstaŭnikoŭ uziali ŭdzieł 74,68% vybarščykaŭ, abo 5 młn 211 tys. 871 čałaviek. Jašče kala čatyroch tysiač vybarščykaŭ atrymali biuleteni, ale nie prahałasavali. Suprać usich prahałasavała 491 tys. 965 čałaviek. Niesapraŭdnym pryznany 65 tys. 661 biuleteń.
U adpaviednaści z dakładami staršyniaŭ terytaryjalnych kamisij, u Bresckaj vobłaści jaŭka skłała 78%, Viciebskaj — 79,98%, Homielskaj — 75,4%, Hrodzienskaj — 76,7%, Minskaj — 75,4%, Mahiloŭskaj — 81,1%, Minsku — 62,2%.
Pavodle słoŭ staršyniaŭ terytaryjalnych kamisij, surjoznych parušeńniaŭ vybarčaha zakanadaŭstva padčas vybaraŭ nie zafiksavana. Skarhi kandydataŭ u deputaty na pryznańnie vynikaŭ vybaraŭ niesapraŭdnymi zastalisia biez zadavalnieńnia.
Parłamienckija vybary adbylisia ŭ Biełarusi 11 vieraśnia. Pa ich vynikach byli abranyja deputaty Pałaty pradstaŭnikoŭ pa ŭsich 110 akruhach.
Pavodle słoŭ staršyni Centrvybarkama Lidzii Jarmošynaj, u cełym vybarčuju kampaniju možna «pryznać zdavalniajučaj».
Pry hetym jana adznačyła, što mieŭsia šerah niedachopaŭ. U pryvatnaści, kiraŭnik CVK paviedamiła pra fatahrafiju, na jakoj členy kamisii na ŭčastku Staravilenskaj akruhi № 105 viali padlik hałasoŭ, stojačy śpinoj da naziralnikaŭ. «Heta pramoje parušeńnie rekamiendacyj Centrvybarkama. Tut jość padstavy, kab udaskanalvać vybarčy praces», — skazała Jarmošyna.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień4
Kamientary