Ukraina zaklikaje Biełaruś ihnaravać miascovyja vybary na Danbasie i vybary ŭ Dziarždumu ŭ Krymie
Ukraina zaklikaje biełaruski bok u vypadku praviadzieńnia miascovych vybaraŭ na Danbasie praihnaravać ich, a taksama vybary ŭ Dziarždumu Rasii na terytoryi Kryma, nie nakiroŭvać naziralnikaŭ.
Pra heta zajaviła žurnalistam u Minsku 26 žniŭnia pieršy vice-śpikier Viarchoŭnaj rady, pradstaŭnik Ukrainy ŭ humanitarnaj padhrupie trochbakovaj kantaktnaj hrupy pa ŭrehulavańni situacyi na paŭdniovym uschodzie Ukrainy Iryna Hieraščanka.»Chaču źviarnucca da našych biełaruskich kaleh z prośbaj ustrymacca ad lubych sprobaŭ, ad, mahčyma, niejkich nastojlivych zaprašeńniaŭ Rasijskaj Fiederacyi ŭziać udzieł jak naziralnikaŭ u vybarach na akupavanych, anieksavanych ukrainskich terytoryjach», — skazała Hieraščanka.
«My viedajem, što ŭ vieraśni ŭ Rasijskaj Fiederacyi prachodziać vybary ŭ Dziaržaŭnuju dumu. I ukrainski bok apieluje da ŭsich našych mižnarodnych partnioraŭ, da ŭsich našych susiedziaŭ z prośbaj ustrymacca ad taho, kab nakiroŭvać svaich naziralnikaŭ na anieksavanyja terytoryi», — dapoŭniła pieršy vice-śpikier Viarchoŭnaj rady.
Ukraina nie pryznaje vybary, jakija adbyvajucca «na adkušanaj, vykradzienaj ziamli», padkreśliła Hieraščanka.
U Rasii 18 vieraśnia projdzie adziny dzień hałasavańnia pa vybarach deputataŭ Dziarždumy, kiraŭnikoŭ subjektaŭ fiederacyi, a taksama deputataŭ miascovych orhanaŭ ułady. Terminy praviadzieńnia miascovych vybaraŭ na Danbasie nieadnarazova pieranosilisia, umovy i madalnaści ich praviadzieńnia pastajanna abmiarkoŭvajucca ŭ Minsku na pasiadžeńni trochbakovaj kantaktnaj hrupy pa Ukrainie.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2323
Kamientary