2-3 vieraśnia na mižnarodnym šoŭkiejs-fiestyvali What's Next In Music? u stalicy Litvy vystupiać biełaruskija hurty Teleport, Take The Cookies i Triangle, abranyja arhanizatarami ŭ miežach konkursa. Mierapryjemstva budzie častkaj štohadovaha Loftas Fest, u miežach jakoha na hetaj ža placoŭcy vystupiać Daughter (Vialikabrytanija), Gesaffelstein (Francyja), Lola Marsh (Izrail) i inšyja viadomyja artysty.

What's Next In Music? źjaŭlajecca pierajemnikam užo viadomaha biełarusam Vilnius Music Week, dzie ŭ 2013-2015 hadach vystupali Akute, Clover Club, The Toobes, Super Besse, (((O))), Mustelide, Deech, Alexei De Bronhe. Mienavita na Vilnius Music Week hurt Super Besse atrymaŭ zaprašeńnie na bujny fiestyval Europavox u Francyi, elektronščyk (((O))) byŭ uhanaravany kamplimientami ad pieršaha menedžera Pink Floyd Pitera Dženera, a Alexei De Bronhe atrymaŭ kantakt, dziakujučy jakomu paśla vystupiŭ na Seazone Music & Conference u Sopacie, Polšča.

Dla indzi-rok hurta Teleport, jaki śpiavaje na biełaruskaj i anhlijskaj, heta ŭžo treci paśpiachovy adbor na šoŭkiejs-fiestyval: uviasnu muzyki vystupali na Tallinn Music Week 2016, a uletku stała viadoma, što ich z čatyrma inšymi biełaruskimi artystami zaprašajuć na Reeperbahn Festival 2016 u Hiermanii (adbudziecca ŭ kancy vieraśnia). Pop-prajekt Take The Cookies vystupaŭ na Moscow Music Week 2015. Dla instrumientalnaha prajekta Triangle heta pieršaje padarožža na šoŭkiejs-fiestyvali. Partnioram What's Next In Music? u Biełarusi źjaŭlajecca prajekt Experty.by.

— U hetym hodzie my atrymali kala 70 zajavak ad muzykaŭ ź Biełarusi — heta vielmi dobry vynik. Na Vilnius Music Week biełaruskija artysty zaŭždy byli siarod najbolš cikavych i ja ŭpeŭnieny, što heta praciahniecca ŭ miežach What's Next In Music?, — kaža dyrektar Litoŭskaj asacyacyi muzyčnaha biznesa i adzin z arhanizataraŭ fiestyvalu Vajdas Stackiavičus.

Na What's Next In Music? buduć pradstaŭlenyja artysty i muzyčnyja admysłoŭcy ź Litvy, Łatvii, Estonii, Isłandyi, Hiermanii, Ukrainy i Polščy. Siarod zaprošanych delehataŭ taksama pradstaŭniki fiestyvalaŭ The Great Escape (Vialikabrytanija) i MENT Ljubljana (Słavienija), bujnych jeŭrapiejskich muzyčnych dystrybjutaraŭ Believe Digital i The Orchard. Jany buduć hladzieć kancerty i vystupać u miežach dvuchdzionnaj prafiesijnaj kanfierencyi, na jakuju mohuć patrapić i biełarusy.

Arhanizatary What's Next In Music? vydatkavali dla Biełarusi 10 biaspłatnych delehackich akredytacyj (uvachod na kanfierencyju i kancerty). Zajaŭki z paznačkaj WNIM 2016 dasyłajcie da 24 žniŭnia (uklučna) na adras [email protected] ź infarmacyjaj pra siabie: imia-proźvišča, kantakty, profil dziejnaści i dakładnyja prajekty, pa jakich vy pracujecie ci pracavali. Pryarytet budzie nadavacca arhanizataram fiestyvalaŭ i menedžeram kłubaŭ. Kanfierencyja budzie adbyvacca na anhlijskaj movie.

Da 5 vieraśnia biełaruskija muzyki taksama mohuć padać zajaŭku na vystup u miežach šoŭkiejs-fiestyvalu MENT Ljubljana ŭ Słavienii. Padrabiazna na sajcie Experty.by.

Клас
0
Панылы сорам
0
Ха-ха
0
Ого
0
Сумна
0
Абуральна
0