Administracyjnaja sprava ŭ dačynieńni da pradstaŭnikoŭ arhkamiteta pa stvareńni partyi «Biełaruskaja chryścijanskaja demakratyja» (BCHD) u Viciebsku Taćciany Sieviaryniec i Aleny Šabuni zakryta. Pra heta paviedamiła Sieviaryniec.
Nahadajem, na pikiecie 27 lipienia byli składzieny pratakoły ŭ dačynieńni da patencyjnych kandydataŭ ad BCHD, jakija pravodzili sumiesny pikiet, pryśviečany hadavinie pryniaćcia Dekłaracyi ab dziaržaŭnym suvierenitecie Biełarusi. U časie mierapryjemstva jaho ŭdzielniki praśpiavali himn «Mahutny Boža» i pieśniu «Ściah». Śpievy padčas pikietu pa zbory podpisaŭ za vyłučeńnie kandydatami milicyjaniery kvalifikavali jak niesankcyjanavanuju masavuju akcyju.
Taćciana Sieviaryniec atrymała apaviaščeńnie pra toje, što pa materyjałach pravierki ad 8 žniŭnia vyniesiena pastanova ab spynieńni administracyjnaj spravy z-za adsutnaści ŭ dziejańni składu administracyjnaha pravaparušeńnia. «My byli 8 žniŭnia na pryjomie va ŭčastkovaha, jon padrabiazna raspytvaŭ, što adbyvałasia. Na što ja skazała:» Vyvučajcie zakanadaŭstva, my pravodzili pikiet pa zbory podpisaŭ u adpaviednaści z Vybarčym kodeksam», — adznačyła jana.
Rašeńniami akruhovych kamisij ad 10 žniŭnia Sieviaryniec i Šabunia zarehistravany kandydatami ŭ deputaty Pałaty pradstaŭnikoŭ.
Aktyvisty arhkamiteta pa stvareńni partyi «Biełaruskaja chryścijanskaja demakratyja» iduć na vybary ŭ składzie pravacentrysckaj kaalicyi biełaruskaj apazicyi, kudy taksama ŭvachodziać Abjadnanaja hramadzianskaja partyja i ruch «Za Svabodu».
Parłamienckija vybary projduć 11 vieraśnia.
Pratasieviču admianili hihancki štraf, i jon palacieŭ na adpačynak u Dubaj8
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2121
Kamientary