Čałaviek, jaki napaŭ z nažom na minakoŭ u centry Łondana, byŭ hramadzianinam Narviehii samalijskaha pachodžańnia, a zabitaja im žančyna — hramadziankaj ZŠA, paviedamiŭ Skotłand-jard. Najbolš imaviernaj pryčynaj napadu palicyja ličyć jaho psichičny stan.

Siarod piaci paranienych — hramadzianie Brytanii, ZŠA, Aŭstralii i Izraila.

Palicyja zatrymała napadnika, jakim akazaŭsia 19-hadovy narviežac samalijskha pachodžańnia. Jon byŭ dastaŭleny ŭ balnicu, a paźniej pieraviedzieny ŭ palicejski ŭčastak.

«My chutka ruchajemsia napierad u našym rasśledavańni. Jano jašče nie skončyłasia, ale ciapier mnohaje pakazvaje na toje, što napad byŭ spravakavany psichičnym stanam złačynca. Na dadzieny momant my ličym, što heta była spantannaja ataka, i achviary byli abranyja vypadkova. Chaču adznačyć, što my pakul nie znajšli nijakich dadzienych, jakija mahli b pakazać na suviaź napadnika z terarystyčnymi arhanizacyjami», — paviedamiŭ namieśnik kiraŭnika Skotłand-jarda Mark Rauli.

Rauli, tym nie mienš, padkreśliŭ, što palicyja razhledzić usie mahčymyja matyvy napadu, asabliva ŭ śviatle apošnich teraktaŭ u Jeŭropie.

Siarod vidavočcaŭ napadu była adna siamja ź Ispanii. Pa ich słovach, mužčyna ničoha nie kazaŭ i nie kryčaŭ, jon prosta napaŭ na ludziej.

Клас
0
Панылы сорам
0
Ха-ха
0
Ого
0
Сумна
0
Абуральна
0