Apazicyjaniery składajuć 0,1% ad składu ŭčastkovych kamisij
Padčas pres-kanfierencyi, pryśviečanaj praviadzieńniu parłamienckich vybaraŭ u Biełarusi, staršynia CVK Lidzija Jarmošyna raskazała žurnalistam, što ŭ skład učastkovych vybarčych kamisij uvajšło 65857 čałaviek. Pry hetym tolki 53 ź ich źjaŭlajucca siabrami apazicyjnych partyj.
Heta prykładna 0,1% ad ahulnaha składu kamisij. Pry hetym pracavać u składzie učastkovych vybarčych kamisij vykazvali žadańnie 303 apazicyjaniery. Takim čynam tolki 17% ź ich damahlisia svajho.
Ad Sacyjalna-spartyŭnaj partyi, naprykład, padavałasia 660 čałaviek (zadavolenyja 639 zajavak). «Biełuju Ruś» va ŭčastkovych kamisijach pradstaviać 4626 čałaviek. CVK siabram hetaj arhanizacyi, pa słovach Lidzii Jarmošynaj, amal nie admaŭlaŭ.
Taki ž adsotak apazicyjanieraŭ va ŭčastkovych kamisijach prysutničaŭ i padčas parłamienckich vybaraŭ 2012 hoda. Tady, nahadajem, nivodny z kandydataŭ ad apazicyjnych uładam partyj nie zmoh trapić u parłamient.
Vybary projduć 11 vieraśnia.
Bort Łukašenki z-za techničnych prablem viarnuŭsia ŭ Minsk bieź jaho16
Kamientary