Za adsutnaść prybora kantrolu vyručki ŭ taksi indyvidualnyja pradprymalniki zapłaciać štraf da 100 bazavych vieličyń, jurydyčnyja asoby - ad 10 da 200 bazavych.
«Z 1 žniŭnia 2016 hoda zabaraniajecca vykarystańnie jurydyčnymi asobami i indyvidualnymi pradprymalnikami, jakija ažyćciaŭlajuć dziejnaść pa pieravozcy pasažyraŭ aŭtamabilami-taksi, kasavaha abstalavańnia (taksomietraŭ) biez ustalavanaha srodki kantrolu padatkovych orhanaŭ (SKPO). Za parušeńnie nazvanych patrabavańniaŭ č.1 art.12.20 KaAP Biełarusi praduhledžana administracyjnaja adkaznaść u vyhladzie štrafu na IP u pamiery da 100 bazavych vieličyń, a na jurydyčnuju asobu - ad 10 da 200 bazavych vieličyń», — raspaviali ŭ MPZ. Adna bazavaja vieličynia składaje 21 rubiel.
Sistema kantrolu kasavaha abstalavańnia dazvalaje apieratyŭna vyjaŭlać subjekty haspadarańnia, jakija sprabujuć schavać vyručku, i adrasna pravodzić adpaviednyja pravierki.
Raniej ustanoŭka srodki kantrolu padatkovych orhanaŭ na kasavym abstalavańni stała abaviazkovaj dla šerahu abjektaŭ, u tym liku zapravak.
Bort Łukašenki z-za techničnych prablem viarnuŭsia ŭ Minsk bieź jaho16
Kamientary