Infarmacyja ab nadzvyčajnym zdareńni na budoŭli ŭ Astraŭcy Biełaruskaj AES nie adpaviadaje rečaisnaści, zajaviŭ pres-ofis hrupy kampanij «ASE» — hienieralnaha padradčyka budaŭnictva stancyi.

Nahadajem, 25 lipienia ŭ ŚMI źjavilisia paviedamleńni, što 10 lipienia padčas vyprabavalnaj trenirovačnaj ŭstanoŭki korpusa reaktara 330-tonny ahrehat sarvaŭsia i ŭpaŭ z vyšyni ad 2 da 4 mietraŭ. Paviedamlałasia taksama, što miesca nadzvyčajnaha zdareńnia ačeplenaje i znachodzicca pad pastajannaj i ŭzmocnienaj achovaj.

«Infarmacyja ab NZ nie adpaviadaje rečaisnaści, — havorycca ŭ kamientaryi pres-ofisa «ASE». — Što da sutnaści pytańnia, to paviedamlajem, što korpus reaktara znachodzicca za miežami reaktarnaha adździaleńnia. Techničnych pieraškodaŭ dla jaho ŭstanoŭki na štatnaje miesca niama. Hienpadradčyk čakaje dazvołu na praviadzieńnie apieracyj pa mantažy ad nahladnych orhanaŭ».

Pra što kankretna idzie havorka i ci mieła miesca probnaja ŭstanoŭka korpusa reaktara, u pres-ofisie kampanii nie patłumačyli. Biełaruski bok infarmacyju pakul nie kamientuje.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?