Hramadstva7272

U Kijevie ŭzarvali mašynu z Paŭłam Šaramietam

U sieradu ranicaj u Kijevie ŭ vyniku vybuchu mašyny zahinuŭ viadomy žurnalist, zasnavalnik «Biełaruskaha partyzana» Pavieł Šaramiet.

Pavodle infarmacyi «Ukrainskaj praŭdy», mašyna ŭzarvałasia na rahu vulicy Bahdana Chmialnickaha i Ivana Franka nasuprać restarana «MakDonalds».

Vidavočca trahiedyi Uład Ivanienka apublikavaŭ u svaim Facebook fota z achoplenym ahniom aŭto. Karystalnik spačatku padpisaŭ fota: «Tolki što ŭzarvali mašynu pad domam».

Mašyna, što ŭzarvałasia, naležała kiraŭnicy «Ukrainskaj praŭdy» Alenie Prytule, ale jaje ŭ mašynie nie było.

Šaramiet i Prytuła byli ŭ blizkich adnosinach.

Nahadajem, što ŭ svoj čas asoby, blizkija da prezidenta Ukrainy Leanida Kučmy, vykryli i zabili zasnavalnika «Ukrainskaj praŭdy» Hieorhija Hanhadze.

«Ukrainskaja praŭda» — internet-ŚMI numar 1 va Ukrainie. Jana aktyŭna pravodzić žurnalisckija rasśledavańni, što vykryvajuć karupcyju ŭ biznesie i ŭładach.

Vybuch adbyŭsia u 7:45 ranicy, kali Šaramiet vyjechaŭ z domu i prajechaŭ niekalki dziasiatkaŭ mietraŭ.

Da pryjezdu ratavalnikaŭ žychary Kijeva dastali Paŭła Šaramieta z uzarvanaha aŭtamabila i sprabavali akazać jamu pieršuju dapamohu. Aściarožna, žorstkaje videa, 18+:

Na miesca prybyła palicyja, u tym liku jaje kiraŭnica Chacija Dekanaidze asabista.

Paŭłu Šaramietu było 44 hady. Jon naradziŭsia 28 listapada 1971 hoda ŭ Minsku. U 1998 hodzie žurnalist pačaŭ pracavać śpiecyjalnym karespandentam prahramy «Naviny» na rasijskim kanale ORT (ciapier — Pieršy kanał). Za repartaž pra dzirki na biełaruska-litoŭskaj miažy byŭ aryštavany biełaruskimi ŭładami i vyjšaŭ na volu tolki paśla asabistaha ŭmiašańnia prezidenta Rasii Barysa Jelcyna.

U studzieni 1999 hoda Pavieł Šaramiet zaniaŭ pasadu šef-redaktara rasijskaj i zamiežnaj karespandenckaj sietki dyrekcyi infarmacyjnych prahram telekanała, byŭ viadučym štotydniovaj analityčnaj prahramy «Vriemia». Z 2000 hoda zajmaŭsia stvareńniem dakumientalnych filmaŭ i śpiecprajektaŭ dla infarmacyjnych prahram «Pieršaha kanała». Pakinuŭ telekanał u 2008 hodzie. 

Apošnim časam Šaramiet pracavaŭ jak na biełaruskija, tak i na ŭkrainskija i rasijskija ŚMI.

Z 2011 hoda jon žyŭ u Kijevie, pracavaŭ u «Ukrainskaj praŭdzie», byŭ viadučym na radyjo «Vieści». Aproč taho, jon pa-raniejšamu kiravaŭ «Biełaruskim partyzanam» i pisaŭ u maskoŭski «Ohoniek».

Kamientary72

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Usie naviny →
Usie naviny

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku121

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

bolš čytanych navin
bolš łajkanych navin

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Hałoŭnaje
Usie naviny →