Advientysty siomaha dnia, jakija nie źjavilisia na CT u subotu, nie zmohuć prajści testavańnie ŭ reziervovy dzień. Takoje rašeńnie pryniata siońnia na pasiadžeńni rabočaj hrupy pa zabieśpiačeńni dziejnaści dziaržaŭnaj kamisii pa kantroli za chodam padrychtoŭki i praviadzieńnia ŭstupnych vyprabavańniaŭ va ŭstanovach vyšejšaj i siaredniaj śpiecyjalnaj adukacyi, dzie razhladalisia prablemnyja pytańni, źviazanyja z praviadzieńniem ustupnaj kampanii, paviedamili ŭ pres-słužbie ŭrada.
Adnym z pytańniaŭ, vyniesienych na abmierkavańnie, staŭ zvarot starejšaha biskupa (staršyni) RRA «Kanfierencyja cerkvaŭ chryścijan advientystaŭ siomaha dnia ŭ Respublicy Biełaruś» Viačasłava Bučnieva z prośbaj dać mahčymaść prychadžanam jaho carkvy, jakija pa relihijnych pierakanańniach nie źjavilisia na centralizavanaje testavańnie ŭ subotnija dni (18 červienia — bijałohija i 25 červienia — zamiežnaja mova), prajści testavańnie ŭ reziervovy dzień.
«U raniejšyja hady dziaržkamisija išła nasustrač takim abituryjentam i ŭ paradku vyklučeńnia davała padobnuju mahčymaść, jakaja nie moža traktavacca jak štohadovaja norma. Pra heta, a taksama pra toje, što padobnyja zvaroty nadalej dziaržkamisijaj razhladacca nie buduć, carkva była piśmova papiaredžanaja letaś, — źviarnuli ŭvahu ŭ pres-słužbie. — U respublicy ŭstanoŭleny adziny paradak praviadzieńnia centralizavanaha testavańnia, jaki nie moža padładžvacca pad asablivaści ŭsich vieravyznańniaŭ».
Padstavami dla ŭdziełu ŭ centralizavanym testavańni ŭ reziervovy dzień, adzinymi dla ŭsich abituryjentaŭ, źjaŭlajucca tolki «chvaroba abo inšyja niepradbačanyja abstaviny, jakija pieraškadžajuć udziełu ŭ centralizavanym testavańni i paćvierdžanyja dakumientalna» (punkt 16 Pałažeńnia ab paradku arhanizacyi i praviadzieńnia centralizavanaha testavańnia, zaćvierdžanaha pastanovaj Savieta Ministraŭ ad 6 červienia 2006 hoda №714).
Taksama adznačałasia, što ŭstupnyja vyprabavańni źjaŭlajucca pačatkovym etapam atrymańnia vyšejšaj adukacyi. Pry navučańni praduhledžana praviadzieńnie vučebnych zaniatkaŭ i praktyki ŭ tym liku ŭ subotnija dni.
U suviazi z hetym było pryniata rašeńnie admović Viačasłavu Bučnievu ŭ zadavalnieńni jaho prośby.
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?3
Kamientary