Tureckija ŭłady nie płanujuć dazvalać Rasii vykarystoŭvać avijabazu Indžyrlik dla baraćby z ekstremisckaj hrupoŭkaj «Isłamskaja dziaržava», zajaviŭ kiraŭnik MZS Turcyi Mieŭlut Čavušahłu.
«My kazali, što hatovyja supracoŭničać z Rasijaj u baraćbie suprać DAIŠ (inšaja nazva zkstremisckaj hrupoŭki «Isłamskaja dziaržava). Ja nie kazaŭ ničoha pra rasijskija samaloty na bazie Indžyrlik», — cytuje Čavušahłu Rejter.
Pavodle jaho słoŭ, tureckaja presa niasłušna zrazumieła jaho słovy, i pamyłka trapiła i ŭ rasijskuju presu.
Da hetaha tureckija ŚMI pryvodzili takuju cytatu ź intervju: «Dla tych, chto choča dałučycca da aktyŭnaj baraćby z DAIŠ, my adkryli avijabazu Indžyrlik. Čamu b nie supracoŭničać z Rasijaj, hetaja terarystyčnaja arhanizacyja - vorah dla ŭsich, i my pavinny zmahacca ź joj».
Kamientary