Biełaruś u lidarach pa inflacyi ad pačatku hoda siarod krain byłoha SSSR
Biełaruś zaniała pieršaje miesca na terytoryi byłoha SSSR pa roście spažyvieckich cenaŭ u studzieni-mai 2016 hoda, paviedamlaje BiełaPAN, spasyłajučysia na analiz dadzienych nacyjanalnych orhanaŭ statystyki.
Za piać miesiacaŭ spažyvieckija ceny ŭ krainie vyraśli na 7%.
Dalej iduć Azierbajdžan (6,7%), Ukraina (5,2%), Kazachstan (4,2%), Rasija (2,9%), Tadžykistan (2,7%), Estonija (1,5%), Łatvija (1,2%), Litva (0,9%) i Małdova (0,3%).
Ceny źnizilisia ŭ Hruzii (na 0,3%), Armienii (na 0,6%) i Kyrhyzstanie (na 1,8%).
U Turkmienistanie apublikavanyja dadzienyja tolki za pieršy kvartał (rost cenaŭ skłaŭ 0,57%).
Niama źviestak pa Uźbiekistanie.
U samaabvieščanym Prydniastroŭi, jakoje maje ŭłasnuju finansavuju sistemu, ceny pavialičylisia za studzień-maj na 1,08%.
Pa vynikach studzienia Biełaruś była treciaj pa pavieličeńni cen (1,9%), za studzień-luty — druhoj (4,8%), pieršaha kvartała - druhoj (5,7%), studzienia-krasavika — taksama druhoj (6,4% ).
U traŭni 2016 hoda Biełaruś z rostam cenaŭ na 0,5% padzialiła druhoje miesca z Kazachstanam.
Na pieršaj pazicyi Łatvija (0,6%). Dalej — Rasija (0,4%), Kyrhyzstan, Małdova, Tadžykistan (pa 0,2%), Ukraina i Estonija (pa 0,1%). Košty nie źmianilisia ŭ Litvie, źnizilisia ŭ Azierbajdžanie (na 0,1%), Hruzii (na 0,4%) i Armienii (na 0,7%)
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary