Takoje proźvišča ŭ filmie maje kiler. Zvać jaho Pavieł — Pavieł Łukašenka. Ihraje jaho Skot Edkinz (Scott Adkins). Łukašenka tutaka — druhasny piersanaž.
U hałoŭnaj ža źniaŭsia sam Saša Baron Koen, viadomy pa kamiedyjach «Barat», «Bruna» i «Dyktatar». Koen ža napisaŭ i scenar novaha filma.
Režysior filma — Łui Leterje.
Jak zaŭždy, humar u Koena rezki. Film nie dla kansiervatyŭnaha hledača.
Sebastyjan Butčer — śpiecyjalny ahient brytanskaha ŭrada, jakomu niama roŭnych na śviecie. Małodšy brat — poŭnaja supraćlehłaść starejšamu. Jon raz-poraz ulipaje u niepryjemnaści, u jaho šmat žančyn, a siabry — futbolnyja chulihany. Ahientu davodzicca schavacca, kab raspracavać płan dziejańniaŭ dla ŭratavańnia płaniety. Ci zmoža jon vykanać svaju składanuju misiju, kali pobač ź im znachodzicca svajak, ad jakoha adny prablemy?..
Kali ŭ «Baracie» Koen kałarytna pakazaŭ «kazachskuju» viosku, to ŭ «Bratach z Hrynśbi» — anhlijskich rednekaŭ.
Film nie mieŭ vialikaha pośpiechu ŭ prakacie. Humar tut zanadta śpiecyfičny, da taho ž stužka brytanskacentryčnaja, žycharam inšych krain niezrazumiełaja.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści10
Kamientary