Čaćviora biełarusaŭ ciaham dnia krali ŭ kramach Biełastoka kašuli, šorty, cišotki, majtki dy inšaje adzieńnie
30 maja čaćviora siabroŭ ź Biełarusi 23—29 hadoŭ adpravilisia ŭ Biełastok, viadoma ž pa zakupy — takaja «lehienda» dla polskich pamiežnikaŭ u bolšaści turystaŭ ź Biełarusi, što pierasiakajuć miažu.
Śpiašacca tracić hrošy jany asabliva nie śpiašalisia. Ekanomnyja chłopcy naviedvali kramy z vopratkaj, brali tavar, zachodzili ŭ prymieračnuju, zryvali achoŭnyja birki i vynosili vopratku nie płociačy.
Vyličyć amataraŭ mody stała mahčymym dziakujučy kamieram nazirańnia. Paśla svajho vizitu ŭ HC Halerei Biała ŭ Biełastoku ź miascovaha mahazina źnikła vopratka na 900 złotych (bolš za 200 jeŭra)
Pakul chłopcy spakojna jechali z «pakupak» ź Biełastoka ŭ bok biełaruskaj miažy na ich była razasłanaja aryjenciroŭka va ŭsie punkty propusku. Maładych ludziej z usim adzieńniem ŭ KPP Kuźnica zatrymali i pieradali polskaj palicyi.
Usich čatyroch čakaje sud, a palicyja šukaje paciarpiełych, bo ŭ mašynie biełarusaŭ akramia skradzienych rečaŭ z Atrium Biala było vyjaŭlena šmat i inšych novych mužčynskich majek, šortaŭ, kašul … Čekaŭ ab apłacie za vopratku maładyja ludzi dać nie zmahli.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary