Hruzavik źbiŭ vučnia małodšych kłasaŭ u Minskim rajonie, paviedamili BiełTA ŭ DAI Minskaha rajvykankama.

Incydent adbyŭsia 26 maja ŭ ahraharadku Krupica na skryžavańni vulic Sadovaja i Minskaja. 32-hadovy kiroŭca ŭčyniŭ najezd na 8-hadovaha piešachoda, bo nie zaŭvažyŭ jaho pry padjeździe da śviatłafora. Dzicia atrymała traŭmy roznaj stupieni ciažkaści i było ekstranna špitalizavanaje.

Ciapier u akaličnaściach zdareńnia raźbirajucca śpiecyjalisty. Dziaržaŭtainśpiekcyja prosić darosłych nadavać pavyšanuju ŭvahu biaśpiecy dziaciej. Pavodle źviestak DAI, z pačatku hoda ŭ DTZ zahinuła 3 dziciaci, jašče kala 75 dziaciej atrymali traŭmy. U 77% vypadkaŭ vinavatymi avaryj stanavilisia kiroŭcy, jakija hruba parušyli PDR.

Клас
0
Панылы сорам
0
Ха-ха
0
Ого
0
Сумна
0
Абуральна
0