U Francyi ŭ treci raz padoŭžyli režym nadzvyčajnaha stanovišča — jon budzie dziejničać da kanca lipienia, kali ŭ krainie projdzie ČIE-2016 pa futbole. Ułady, bajučysia teraktaŭ, prymajuć ŭzmocnienyja miery biaśpieki.
Deputaty Nacyjanalnaha schodu — nižniaj pałaty parłamienta Francyi — pieravažnaj bolšaściu hałasoŭ adobryli ŭ čaćvier, 19 maja, padaŭžeńnie da kanca lipienia režymu nadzvyčajnaha stanovišča, uviedzienaha paśla paryžskich teraktaŭ u listapadzie 2015 hoda. Raniej u padtrymku dadzienaj miery prahałasavała vierchniaja pałata — Sienat.
Z 10 červienia da 10 lipienia ŭ krainie projdzie čempijanat Jeŭropy pa futbole. U suviazi z hetym ułady, aścierahajučysia teraktaŭ, prymajuć pavyšanyja miery biaśpieki. Pa słovach francuzskaha ministra ŭnutranych spraŭ Biernara Kaźniova, terarystyčnaja pahroza ŭ Francyi pa-raniejšamu vysokaja.
Režym nadzvyčajnaha zdareńnia padaŭžajecca ŭ krainie ŭžo ŭ treci raz raz. Jon nieabchodny palicyi dla praviadzieńnia pieratrusaŭ u damach i na kvaterach biez adpaviednaha sudovaha rasparadžeńnia. Akramia taho, jon dazvalaje ŭładam abmiažoŭvać svabodu pieramiaščeńnia hramadzian i ŭ sproščanym paradku źmiaščać padazravanych pad chatni aryšt. Praciŭniki vyklučnaj miery ličać, što jana nie prynosić nieabchodnaha efiektu i ŭščamlaje asabistyja svabody. Novy paradak byŭ uviedzieny paśla trahiedyi 13 listapada ŭ Paryžy, kali ŭ vyniku sieryi teraktaŭ zahinuli 130 čałaviek.
Eks-palitźniavolenaja raskazała, jak vychodziła pa pamiłavańni i pra toje, što čuvać pra Kaleśnikavu1
Kamientary