Sienatar ad Omskaj vobłaści Alena Mizulina zajaviła, što «jamačny» ramont daroh pavinien być zakanadaŭča zabaronieny. Hetuju zajavu sienatar zrabiła padčas vizitu ŭ rasijski Omsk, dzie jana prainśpiektavała stan niekalkich adramantavanych daroh.
«Miarkuju, «jamačny» ramont treba zabaranić na zakanadaŭčym uzroŭni. Heta — hrošy, vykinutyja ŭ trubu. Adzinyja, chto vyjhraŭ ŭ hetaj situacyi — čynoŭniki, dla jakich jamačny ramont daroh zastajecca vieličeznaj spakusaj: chutka załataŭ jamu i daŭ spravazdaču», — zajaviła Mizulina.
Pa słovach sienatara, u chodzie inśpiekcyi byli zaŭvažana «załatvańnie jam płoščaj 2 na 3 mietry». Tady jak padobny ramont daroh, pa słovach Mizulinaj, moža być prymalny tolki dla jam 10 na 10 sm.
Mizulina paabiacała asabista prakantralavać vykanańnie ramontnych rabot na darohach paśla žyvoj linii z prezidentam Rasii Uładzimiram Pucinym 14 krasavika. U chodzie linii žycharka Omska paskardziłasia prezidentu na toje, što praz drennyja darohi «mašyny łamajucca, koły advalvajucca», a ŭłada nijak nie reahuje na prośby haradžan ab ramoncie daroh.
Paśla pramoj linii meru Omska abłasnoj prakuraturaj było vyniesiena papiaredžańnie ŭ suviazi z parušeńniami pry ŭtrymańni daroh. Taksama ŭłady abiacali adramantavać haradskija darohi ŭ karotkija terminy.
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?5
Kamientary